May 06, 2022
May 06, 2022
ബീജിങ്: ചൈനയിലെ ഹാങ്ഷുവിൽ സെപ്റ്റംബറിൽ നടക്കാനിരുന്ന ഏഷ്യൻ ഗെയിംസ് അനിശ്ചിതമായി മാറ്റിവെച്ചു. സെപ്റ്റംബർ 10 മുതൽ 25 വരെയായിരുന്നു ഗെയിംസ് തീരുമാനിച്ചിരുന്നത്. ഗെയിംസിന്റെ ഔദ്യോഗിക വെബ്സൈറ്റിലാണ് ഇത് സംബന്ധിച്ച അറിയിപ്പ് വന്നത്. കാരണമെന്തെന്ന് സംഘാടകർ വ്യക്തിമാക്കിയിട്ടില്ല. ചൈനയിൽ കോവിഡ് കേസുകൾ വർദ്ധിച്ച സാഹചര്യമാണ് ഇപ്പോഴുള്ളത്. പുതുക്കിയ തീയതി പിന്നീട് അറിയിക്കും.
ചൈനയിലെ വലിയ നഗരങ്ങളിലൊന്നായ ഷാങ്ഹായിൽനിന്നും 20 കിലോമീറ്റർ അകലെയായാണ് ഹാങ്ഷു നഗരം. കോവിഡ് വൈറസിനെതിരെയുള്ള പ്രതിരോധത്തിന്റെ ഭാഗമായി ഒരാഴ്ച നീണ്ട ലോക് ഡൗണാണ് നഗരത്തിലുണ്ടായിരുന്നത്. നിലവിൽ ഗെയിംസിന്റെ ഭാഗമായി 56 മത്സര വേദികൾ ഇവിടെ ഒരുക്കിക്കഴിഞ്ഞു. ഗെയിംസ് നടത്താനായി ഒരു വൈറസ് നിയന്ത്രണ പദ്ധതി നടത്താനാണ് പദ്ധതിയെന്ന് സംഘാടകർ നേരത്തെ സൂചിപ്പിച്ചിരുന്നു. ബീജിങ്ങിൽ ഫെബ്രുവരിയിൽ നടന്ന ശീതകാല ഒളിമ്പിക്സിന്റെ വിജയത്തിന്റെ പശ്ചാത്തലത്തിലായിരുന്നു ഈ പദ്ധതി രൂപവത്കരിച്ചത്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
