August 30, 2021
August 30, 2021
ദോഹ: ദോഹ കൺവെൻഷൻ സെന്ററിൽ നവംബർ 16 മുതൽ 18 വരെ അരങ്ങേറുന്ന QTM 2021 മേളയിൽ എഴുപത്തിഅഞ്ചോളം പ്രമുഖകമ്പനികൾ പങ്കെടുക്കും. ഖത്തർ അമീർ തമീം ബിൻ ഹമദ് അൽതാനിയുടെയും, ആഭ്യന്തരമന്ത്രി ഷെയ്ഖ് ഖാലിദ് ബിൻ ഖലീഫ ബിൻ അബ്ദുൽ അസീസ് അമേൽനോട്ടത്തിലാണ് മേള നടക്കുക.
എയർലൈൻസ്, ഹോട്ടൽ, റിസോർട്ട്, ഗതാഗതം തുടങ്ങിയ മേഖലകളിലെ വിവിധകമ്പനികളാണ് പങ്കെടുക്കുക. ടൂറിസത്തിന്റെ അനന്തമായ ഭാവി സാധ്യതകളിലേക്ക് മേള വെളിച്ചം വീശുമെന്നാണ് സംഘാടകരുടെ പ്രതീക്ഷ. ഖത്തർ ടൂറിസം വകുപ്പും മേളയുടെ നടത്തിപ്പിൽ പങ്കാളിയാണ്. ഇറ്റലി, സൈപ്രസ്, മാലിദ്വീപ്, റുവാണ്ട, അസർബൈജാൻ തുടങ്ങിയ രാജ്യങ്ങളിലെ കമ്പനികൾ മേളയിൽ പങ്കെടുക്കാൻ സന്നദ്ധത അറിയിച്ചിട്ടുണ്ടെന്ന് സംഘാടകർ അറിയിച്ചു. കോവിഡ് പ്രതിസന്ധിയാൽ അല്പം തളർന്ന വ്യാവസായികമേഖലയ്ക്ക് മേള ഊർജം പകരും. കോവിഡ് മാനദണ്ഡങ്ങൾ ഒക്കെ കൃത്യമായി പാലിച്ചാവും മേള നടത്തുകയെന്നും, വാക്സിനേഷൻ എടുത്തവർക്ക് മാത്രമാവും പ്രവേശനമെന്നും അധികൃതർ അറിയിച്ചിട്ടുണ്ട്.
