February 26, 2022
February 26, 2022
കീവ് : റഷ്യയുടെ ആക്രമണം നേരിടുന്ന യുക്രൈന് അമേരിക്കയുടെ സൈനിക സഹായം. 350 മില്യൺ വിലമതിക്കുന്ന സൈനിക സഹായങ്ങൾ അമേരിക്ക യുക്രൈന് നൽകിയതായി അമേരിക്കൻ മാധ്യമങ്ങൾ റിപ്പോർട്ട് ചെയ്തു.
വിദേശകാര്യ സഹകരണത്തിന്റെ പ്രത്യേക ആക്ട് പ്രകാരം യുക്രൈന് സഹായം നൽകാൻ പ്രസിഡന്റ് ജോ ബൈഡൻ, സ്റ്റേറ്റ് സെക്രട്ടറി ആന്റണി ബ്ലിങ്കനോട് ആവശ്യപ്പെടുകയായിരുന്നു. നേരത്തേ, അമേരിക്ക അടക്കമുള്ള ലോക ശക്തികൾ തങ്ങളെ സഹായിക്കണമെന്ന് യുക്രൈൻ പ്രസിഡന്റ് വ്ലോദിമിർ സെലെൻസ്‌കി അഭ്യർത്ഥിച്ചിരുന്നു. സഹായം ലഭിച്ചതിന് പിന്നാലെ സെലെൻസ്‌കി തന്റെ ട്വിറ്റർ അകൗണ്ടിലൂടെ അമേരിക്കയുടെ സഹായത്തിന് നന്ദി അറിയിക്കുകയും ചെയ്തു.
