June 21, 2021
June 21, 2021
കവരത്തി: ലക്ഷദ്വീപ് അഡ്മിനിസ്ട്രേറ്റര് പ്രഫുല് പട്ടേലിനെ വിമര്ശിച്ചതിന്റെ പേരില് രാജ്യദ്രോഹക്കുറ്റം ചുമത്തപ്പെട്ട ചലച്ചിത്ര പ്രവര്ത്തക ഐഷ സുല്ത്താനയെ പോലിസ് വീണ്ടും ചോദ്യം ചെയ്യും. ബുധനാഴ്ച ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് പോലിസ് ഐഷയ്ക്ക് നോട്ടീസ് നല്കി. കഴിഞ്ഞ ദിവസം രാജ്യദ്രോഹ കേസില് ഐഷ സുല്ത്താനയെ ചോദ്യം ചെയ്ത് വിട്ടയച്ചിരുന്നു. മൂന്ന് ദിവസം കൂടി ദ്വീപില് തുടരാന് ഐഷയോട് പോലിസ് ആവശ്യപ്പെട്ടിരുന്നു. ലക്ഷദ്വീപ് എസ്.എസ്.പി ശരത് കുമാര് സിന്ഹ ഐ.പി.എസിന്റെ നേതൃത്വത്തിലായിരുന്നു ചോദ്യം ചെയ്യല്.