January 17, 2023
January 17, 2023
ന്യൂസ്റൂം ബ്യുറോ
ദുബായ് / ദോഹ : ക്രെഡിറ്റ് കാര്ഡ് വഴി ടിക്കറ്റെടുക്കുന്നവര് വിമാനത്തവളത്തിലെത്തുമ്പോൾ സ്വന്തം ക്രെഡിറ്റ് കാര്ഡ് കൈയില് കരുതണമെന്ന് എയര്ഇന്ത്യ എക്സ്പ്രസ് യാത്രക്കാരോട് ആവശ്യപ്പെട്ടു..കാര്ഡില്ലെങ്കില് സ്വയം സാക്ഷ്യപ്പെടുത്തിയ പകര്പ്പ് കരുതണമെന്നും അറിയിപ്പിൽ പറയുന്നു.
മറ്റൊരാളുടെ ക്രെഡിറ്റ് കാര്ഡ് ഉപയോഗിച്ചാണ് ടിക്കറ്റെടുത്തതെങ്കില് അയാളുടെ ഓതറൈസേഷന് ലെറ്ററും കാര്ഡിന്റെ പകര്പ്പും കരുതണം. നേരത്തെ മുതലുണ്ടായിരുന്ന നിബന്ധന വീണ്ടും കര്ശനമാക്കുന്നതിന്റെ ഭാഗമായാണ് നടപടി. മറ്റൊരാളുടെ ക്രെഡിറ്റ് കാര്ഡ് ഉപയോഗിച്ചുള്ള തട്ടിപ്പ് ഒഴിവാക്കുന്നതിന്റെ ഭാഗമായാണ് നടപടി.
എയര് ഇന്ത്യ എക്സ്പ്രസ് മാത്രമാണ് നിലവില് ഈ നയം കര്ശനമാക്കുന്നതായി അറിയിച്ചിരിക്കുന്നത്. മറ്റ് എയര്ലൈനുകള്ക്കും ഇതേ നയമാണെങ്കിലും ഇക്കാര്യം കര്ശനമായി പരിശോധിക്കാറില്ല. ഇനി മുതല് ചെക്ക് ഇന് സമയത്ത് ക്രെഡിറ്റ് കാര്ഡ് വിവരം അധികൃതര് ആവശ്യപ്പെട്ടാല് നല്കേണ്ടിവരും. റാന്ഡം ചെക്കിങ് ആയിരിക്കും നടത്തുക.
അതേസമയം, അംഗീകൃത ട്രാവല് ഏജന്സികള് വഴി ടിക്കറ്റെടുക്കുന്നവരെ ഈ നിയമം ബാധിക്കില്ല.. ഏജന്സികള് ക്രെഡിറ്റ് കാര്ഡ് ഉപയോഗിച്ചല്ല ടിക്കറ്റെടുക്കുന്നത് എന്നതാണ് കാരണം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക