March 27, 2022
March 27, 2022
മലയാള മാധ്യമരംഗത്തെ മുതിർന്ന പ്രവർത്തകനായ എ. സഹദേവൻ അന്തരിച്ചു. കരൾ രോഗത്തെ തുടർന്ന് കോട്ടയത്തെ സ്വകാര്യ ആശുപത്രിയിൽ ചികിത്സയിലിരിക്കെ ആണ് മരണം. ഹൃദയാഘാതം സംഭവിച്ചതോടെ ആരോഗ്യനില വഷളാവുകയായിരുന്നെന്ന് ഡോക്ടർമാർ അറിയിച്ചു. മാതൃഭൂമി, മനോരമ മീഡിയാ സ്കൂൾ, ഇന്ത്യാവിഷൻ എന്നിവിടങ്ങളിൽ സേവനമനുഷ്ഠിച്ച സഹദേവന്റെ, സിനിമാ വിശകലനങ്ങൾ ഏറെ ശ്രദ്ധ നേടിയിരുന്നു.
ലോകസിനിമയുടെ വിവിധ പരിണാമതലങ്ങളെ സൂക്ഷ്മതയോടെ പഠിച്ച്, അവ മലയാളിക്ക് പരിചയപ്പെടുത്തി കൊടുക്കുന്നതിൽ വലിയ പങ്കാണ് എ.സഹദേവൻ വഹിച്ചത്. പരിസ്ഥിതി, സ്ത്രീപക്ഷ എഴുത്ത് തുടങ്ങിയ മേഖലകളിലും സഹദേവൻ സ്വതസിദ്ധമായ ശൈലിയിൽ തിളങ്ങി നിന്നു. സാറാ ജോസഫിന്റെ മാനുഷി സംഘടനയ്ക്ക് വേണ്ടിയും സഹദേവൻ പ്രവർത്തിച്ചിട്ടുണ്ട്.
ഭാര്യ : തിരുവണ്ണൂർ ചെങ്കളത്ത് പുഷ്പ
മകൾ : ചാരുലേഖ