March 28, 2022
March 28, 2022
ലോസ് ആഞ്ചലസ്‌ : ഈ വർഷത്തെ മികച്ച ചിത്രത്തിനുള്ള ഓസ്കാർ പുരസ്‌കാരം ശാൻ ഹേഡർ സംവിധാനം ചെയ്ത കോഡ സ്വന്തമാക്കി. ബധിരരുടെ കഥ പറഞ്ഞ കോഡയിലെ അഭിനയത്തിലൂടെ ട്രോയ് കോട്ട്സറിന് മികച്ച സഹനടനുള്ള അവാർഡും ലഭിച്ചു. കിങ് റിച്ചാർഡ് എന്ന ചിത്രത്തിലെ പ്രകടനമികവിലൂടെ വിൽ സ്മിത്ത് മികച്ച നടനായപ്പോൾ, ദി ഐസ് ഓഫ് ടാമി ഫെയ് എന്ന ചിത്രത്തിലൂടെ ജെസീക്ക ചസ്റ്റെയിൻ മികച്ച നടിയായി.
പന്ത്രണ്ട് നോമിനേഷനുകളുമായി ഓസ്കാറിനെത്തിയ 'പവർ ഓഫ് ഡോഗ്' ആണ് പുരസ്കാരരാവിൽ ഏറ്റവും നിരാശപ്പെടുത്തിയത്. മികച്ച സംവിധായകനുള്ള പുരസ്‌കാരം മാത്രമാണ് ചിത്രത്തിന് നേടാൻ കഴിഞ്ഞത്. ജെയ്ൻ കാമ്പിയൻ ആണ് മികച്ച സംവിധായിക ആയത്. പത്ത് നോമിനേഷനുകളുമായി എത്തി ആറ് അവാർഡുകൾ നേടിയ 'ഡൂൺ' ആണ് ഇത്തവണത്തെ ഓസ്കാറിലെ താരമായത്. ടെക്ക്നിക്കൽ കാറ്റഗറികളിലാണ് ചിത്രം അവാർഡുകളിൽ പലതും നേടിയത്.
