August 26, 2021
August 26, 2021
ദോഹ: പുതിയ അധ്യയനവർഷത്തിൽ രാജ്യത്തിന്റെ പലഭാഗങ്ങളിലായി പതിനാറോളം പുതിയ വിദ്യാഭ്യാസസ്ഥാപനങ്ങൾ ആരംഭിക്കുമെന്ന് ഖത്തർ വിദ്യാഭ്യാസ,ഉന്നത വിദ്യാഭ്യാസ മന്ത്രാലയം അറിയിച്ചു. ഇതോടെ സ്വകാര്യമേഖലയിൽ 8870 അക്കാദമിക്ക് സീറ്റുകൾ കൂടി ലഭ്യമാവുമെന്ന് സ്വകാര്യസ്കൂൾ ലൈസൻസിങ് വകുപ്പ് മേധാവി ഹമദ് മുഹമ്മദ്‌ അൽ ഖാലി അറിയിച്ചു.
ബ്രിട്ടൻ, അമേരിക്ക, ഇന്ത്യ എന്നീ രാജ്യങ്ങളിലെ സിലബസുകൾ ഇവിടങ്ങളിൽ ലഭ്യമാവുമെന്നും അദ്ദേഹം വ്യക്തമാക്കി. കൂടുതൽ ആളുകൾ ആവശ്യപ്പെടുന്നതിനാൽ ഇന്ത്യ, ഫിലിപ്പൈൻസ് എന്നീ രാജ്യങ്ങളിലെ സിലബസിന് കൂടുതൽ പ്രാധാന്യം നൽകും. പുതിയ സ്ഥാപനങ്ങൾ സംബന്ധിച്ചുള്ള എല്ലാ വിവരങ്ങളും വിദ്യാഭ്യാസവകുപ്പിന്റെ വെബ്‌സൈറ്റിൽ ലഭ്യമാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ 0097466200167 എന്ന വാട്സ്ആപ് നമ്പറിലേക്ക് സന്ദേശമയക്കുക
