December 06, 2021
December 06, 2021
കോയമ്പത്തൂർ : ദുബായിൽ താമസിക്കുന്നതിനിടെ പ്രണയിച്ച് വഞ്ചിച്ചെന്നാരോപിച്ച് യുവതി കാമുകന്റെ മുഖത്ത് ആസിഡൊഴിച്ചു.കല്യാണം കഴിക്കാം എന്ന് പറഞ്ഞ് യുവാവ് 18 ലക്ഷത്തോളം രൂപ തട്ടിയതായും യുവതി ആരോപിച്ചു. കാമുകനെ ആസിഡൊഴിച്ച് ആക്രമിച്ച ശേഷം ആത്മഹത്യ ചെയ്യാനായിരുന്നു യുവതിയുടെ പദ്ധതി.കോയമ്പത്തൂരിലെ അപ്പാർട്മെന്റിലാണ് സംഭവം.തിരുവനന്തപുരം സ്വദേശിയായ കാമുകനെയാണ് 27 കാരിയായ യുവതി ആക്രമിച്ചത്.
കോയമ്ബത്തൂര് മെഡിക്കല് കോളജില് ചികിത്സയില് കഴിയുകയാണ് ഇരുവരും. ദുബായിൽ നിന്നും നാട്ടിലെത്തിയ കാമുകന് മറ്റൊരു വിവാഹം ചെയ്തുവെന്നറിഞ്ഞ യുവതി ഇയാളുടെ അപ്പാര്ട്ട്മെന്റില് എത്തുകയായിരുന്നു. കാമുകനോട് തന്നെ വിവാഹം ചെയ്യണമെന്ന് യുവതി ആവശ്യപ്പെട്ടു. പറ്റില്ലെന്നും താന് അടുത്തിടെ വിവാഹിതനായെന്നും യുവാവ് തുറന്നു സമ്മതിച്ചു. ഇതുകേട്ട് കുപിതയായ യുവതി 30കാരനെ ആക്രമിക്കുകയായിരുന്നു. ബാഗില് കരുതിയിരുന്ന ആസിഡ് കാമുകന്റെ മുഖത്തേക്ക് ഒഴിച്ചു. തുടര്ന്ന് കത്തി എടുത്ത് കുത്തി. പിന്നീട് യുവതി വിഷം കഴിച്ച് ആത്മഹത്യക്ക് ശ്രമിക്കുകയായിരുന്നു.
യുവാവിന്റെ കണ്ണിനാണ് പൊള്ളലേറ്റത്. അപ്പാര്ട്ട്മെന്റിലെ ജീവനക്കാരാണ് ഇരുവരെയും ആശുപത്രിയില് എത്തിച്ചത്. ദുബായില് മസാജ് സെന്ററില് ജോലി ചെയ്യുന്ന സമയത്താണ് കാഞ്ചിപുരം സ്വദേശിനിയായ 27കാരിയും തിരുവനന്തപുരം സ്വദേശിയായ യുവാവും പരിചയത്തിലായത്. ഇരുവരും ഒരുമിച്ചായിരുന്നു ദുബായില് താമസിച്ചിരുന്നത്. വിവാഹമോചിതയായ യുവതിക്ക് ഒരു കുഞ്ഞുണ്ട്. നാട്ടിലേക്ക് മടങ്ങിയ യുവാവ് പിന്നീട് ബന്ധം തുടര്ന്നില്ലെന്നും തന്നെ വഞ്ചിച്ചെന്നുമാണ് യുവതി ആരോപിക്കുന്നത്.
Tags Crime love Acid Attacks Dubai expat
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക