July 26, 2023
July 26, 2023
ന്യൂസ്റൂം ബ്യുറോ
ഫുജൈറ : മലപ്പുറം പെരുമ്പടപ്പ് പുത്തൻപള്ളി സ്വദേശി വാലിയില് നൗഷാദ് (38) ഫുജൈറയിൽ കടലിൽ അപകടത്തിൽ പെട്ട് മരിച്ചു.
ചൊവ്വാഴ്ച വൈകീട്ട് ദിബ്ബയിൽ കടലിൽ കുളിക്കുന്നതിനിടെ ശക്തമായ തിരയില്പ്പെട്ട് തല കല്ലിലിടിക്കുകയായിരുന്നു.
ഫുജൈറ അല് അൻസാരി എക്സേഞ്ചിലെ ജീവനക്കാരനാണ്. അവധിയായതിനാല് കൂട്ടുകാരോടൊത്ത് കടലില് കുളിക്കാനിറങ്ങിയതായിരുന്നു. ബീച്ച് നവീകരണത്തിന് കൂട്ടിയിട്ട കല്ലുകളില് തലയിടിച്ചായിരുന്നു മരണം. തിര ശക്തമായതിനാല് കൂടെയുണ്ടായവര്ക്കും നൗഷാദിനെ രക്ഷിക്കാനായില്ല. ആറുവര്ഷമായി പ്രവാസിയാണ്. ഭാര്യ: അര്ഷാ നൗഷാദ്, മകള്: ഐറാ മറിയം. പരേതനായ വാലിയില് കുഞ്ഞിമോന്റെയും ഫാത്തിമയുടെയും മകനാണ്. സഹോദരങ്ങള്: നൗഫല് (ഖത്തര്), ഷാഹിദ, വാഹിദ. മൃതദേഹം നാട്ടിലേക്ക് കൊണ്ടുപോകാനുള്ള നടപടികൾ പുരോഗമിക്കുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm