March 16, 2023
March 16, 2023
ന്യൂസ്റൂം ബ്യൂറോ
ദുബായി: വിശുദ്ധ റമദാന് പ്രമാണിച്ച് നാളെ മുതല് ദുബായിലെ സര്ക്കാര് ജീവനക്കാര്ക്ക് ഓഫീസില് വരാതെ ജോലി ചെയ്യാം. ദുബായ് ഫ്യൂച്ചര് മ്യൂസിയത്തില് നടക്കുന്ന റിമോട്ട് ഫോറത്തില് വെച്ച് ദുബായ് തൊഴില് വകുപ്പ് ഡയറക്ടര് ജനറല് അബ്ദുള്ള ബിന് സായിദ് അല് ഫലാസിയാണ് പുതിയ പ്രഖ്യാപനം നടത്തിയത്. ഇതിന്റെ ഭാഗമായി ആദ്യഘട്ടത്തില് വീടിനടുത്തുള്ള പൊതു ലൈബ്രറികളിലിരുന്ന് ജോലി ചെയ്യാനുള്ള സൗകര്യമാണ് സര്ക്കാര് ഒരുക്കുക. പദ്ധതിയുടെ വിശദാംശങ്ങള് നാളെ പ്രഖ്യാപിക്കും.
തൊഴില് മേഖലയ്ക്ക് പുറമെ ആരോഗ്യ, വിദ്യാഭ്യാസ മേഖലകളില് വിദൂര ജോലി സംവിധാനം നടപ്പാക്കാനുള്ള സര്ക്കാര് അജണ്ടയുടെ ഭാഗമായാണ് തീരുമാനം.
റമദാനിലെ വെള്ളിയാഴ്ചകളില് ഫെഡറല് സര്ക്കാര് ജീവനക്കാരില് 70 ശതമാനം പേര്ക്കും വീട്ടിലിരുന്ന് ജോലി ചെയ്യാനുള്ള അനുമതി സര്ക്കാര് നേരത്തെ നല്കിയിട്ടുണ്ട്.
ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക
https://chat.whatsapp.com/BA70KEJMeBmGW92ahNcBva