June 02, 2022
June 02, 2022
ദുബായ് : യു.എ.ഇയില് നാലു മങ്കിപോക്സ് കേസുകള് കൂടി സ്ഥിരീകരിച്ചതായി ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് ആകെ രോഗം സ്ഥിരീകരിച്ചവരുടെ എണ്ണം എട്ടായി.
അതേസമയം ആവശ്യമായ എല്ലാ മുന്കരുതലുകളും സ്വീകരിക്കുകയും രോഗബാധിതരുമായി സമ്പർക്കം പുലര്ത്തിയവരെ പരിശോധനക്ക് വിധേയമാക്കുകയും ചെയ്തിട്ടുണ്ടെന്ന് അധികൃതര് വ്യക്തമാക്കി.
മേയ് 24നാണ് യു.എ.ഇയില് ആദ്യ കേസ് സ്ഥിരീകരിച്ചത്. യു.എസിലും വിവിധ യൂറോപ്യന് രാജ്യങ്ങളിലും രോഗം റിപ്പോര്ട്ട് ചെയ്യപ്പെട്ട സാഹചര്യത്തിലാണ് രാജ്യത്ത് നിരീക്ഷണം ശക്തമാക്കിയത്.
മങ്കിപോക്സ് സ്ഥിരീകരിച്ച സാഹചര്യത്തില് സ്വീകരിക്കേണ്ട സുരക്ഷ-പ്രതിരോധ മാനദണ്ഡങ്ങള് അധികൃതര് നേരത്തെ പ്രഖ്യാപിച്ചിരുന്നു. രോഗം ബാധിച്ചവര് പൂര്ണമായും ഭേദപ്പെടുന്നതുവരെ ആശുപത്രിയില് കഴിയണമെന്നും അടുത്ത് സമ്ബര്ക്കം പുലര്ത്തിയവര് 21 ദിവസം ക്വാറന്റീനില് കഴിയണമെന്നും നിര്ദേശിച്ചിട്ടുണ്ട്. സമ്പർക്കം പുലര്ത്തിയവര് വീട്ടില് ക്വാറന്റീനില് കഴിഞ്ഞാല് മതി. ജനങ്ങള് രോഗം സംബന്ധിച്ച വിവരങ്ങള് അറിയാന് ഔദ്യോഗിക സംവിധാനങ്ങളെ ഉപയോഗപ്പെടുത്തണമെന്നും അഭ്യൂഹങ്ങള് പ്രചരിപ്പിക്കരുതെന്നും അധികൃതര് ആവശ്യപ്പെട്ടിട്ടുണ്ട്.
പനി, ശരീരവേദന, വിറയല്, ക്ഷീണം എന്നിവയാണ് ലക്ഷണങ്ങളായി അനുഭവപ്പെടുന്നത്. രോഗം ഗുരുതരമായാല് മുഖത്തും കൈകളിലും ചുണങ്ങുകളും മുറിവുകളും ഉണ്ടാകാം. മുറിവുകള് ശരീരത്തിന്റെ മറ്റു ഭാഗങ്ങളിലേക്കും വ്യാപിക്കും. സാധാരണ ആശുപത്രിയില് പ്രവേശിപ്പിക്കേണ്ട ആവശ്യമില്ലാതെ രണ്ടോ നാലോ ആഴ്ചകള്ക്കകം രോഗം ഭേദമാകാറുണ്ട്. എന്നാല്, ആറു ശതമാനം കേസുകളില് ഇത് മാരകമാകാറുണ്ട്. അതുപോലെ കുട്ടികളിലും ഇത് കൂടുതല് ഗുരുതരമാകാറുണ്ട്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക