April 26, 2023
April 26, 2023
ന്യൂസ്റൂം ബ്യൂറോ
അബുദാബി: മലയാളി യുവാവിന്റെ (കാസര്കോട് സ്വദേശി അഭിലാഷ് വാഴവളപ്പില്)മരണത്തിനു കാരണമായ ഖോര്ഫക്കാന് ബോട്ടപകടത്തില് ഉള്പ്പെട്ട ബോട്ട് കമ്പനിക്കെതിരെ ഷാര്ജ പൊലീസ് നടപടി ആരംഭിച്ചു. കൃത്യ വിലോപത്തിന് കേസെടുത്ത പൊലീസ്, കമ്പനിക്കെതിരെ പ്രോസിക്യൂഷന് നടപടിക്കു ശുപാര്ശ ചെയ്തു.
അപകടത്തില് ചെറിയ കുട്ടി ഉള്പ്പടെ മൂന്നു മലയാളികള്ക്ക് പരിക്കേറ്റിരുന്നു. ബോട്ട് നടത്തിപ്പുകാരെയും അപകട ദിവസം ഡ്യൂട്ടിയില് ഉണ്ടായിരുന്നുവരെയും പൊലീസ് അറസ്റ്റ് ചെയ്തു. നിശ്ചിത എണ്ണത്തില് കൂടുതല് ആളുകളെ കയറ്റിയതാണ് ബോട്ട് മുങ്ങാന് കാരണമെന്ന് പൊലീസ് കമാന്ഡര് ഇന് ചീഫ് സയിഫ് അല് സരി അല് ഷംസി പറഞ്ഞു.
10 പേര്ക്ക് കയറാവുന്ന ബോട്ടില് ജീവനക്കാരടക്കം 16 പേരുണ്ടായിരുന്നു. കൂടുതല് പണമുണ്ടാക്കുക എന്ന ലക്ഷ്യത്തോടെയാണ് കമ്പനി കൂടുതല് ആളുകളെ കയറ്റിയതെന്നും പൊലീസ് പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI