March 15, 2023
March 15, 2023
ന്യൂസ്‌റൂം ബ്യൂറോ
അബുദാബി: കോവിഡ് നിയമലംഘനങ്ങളുടെ പിഴത്തുകയില്‍ 50 ശതമാനം ഇളവ് പ്രഖ്യാപിച്ച് യുഎഇ. നാഷനല്‍ ക്രൈസിസ് എമര്‍ജന്‍സി ഡിസാസ്റ്റര്‍ മോനേജ്‌മെന്റ് അതോറിറ്റി പ്രഖ്യാപിച്ച ഇളവുകള്‍ ഇന്നു മുതല്‍ പ്രാബല്യത്തില്‍ വരും. സ്മാര്‍ട്ട് ആപ്പുകള്‍ വഴിയും വെബ്‌സൈറ്റുകള്‍ വഴിയും ആളുകള്‍ക്ക് പിഴത്തുക അടയ്ക്കാം.
കോവിഡ് നിയമം ലംഘിക്കുന്ന താമസക്കാര്‍ക്ക് 50,000 ദിര്‍ഹമാണ് പിഴയായി നിശ്ചയിച്ചിരുന്നത്. പൊതുവിടങ്ങളില്‍ മാസ്‌ക് ധരിക്കാത്തവര്‍ക്ക് 3,000 ദിര്‍ഹവും, ആശുപത്രി സേവനം പ്രയോജനപ്പെടുത്താത്തവര്‍ക്ക് 50,000 ദിര്‍ഹവുമായിരുന്നു പിഴ. എന്നാല്‍ ഇന്നു മുതല്‍ പിഴത്തുകയില്‍ 50 ശതമാനം ഇളവ് ജനങ്ങള്‍ക്ക് ലഭിക്കും.
മാതൃകാപരമായ ഇടപെടലുകളിലൂടെ വൈറസ് ബാധയെ തടയാന്‍ യുഎഇയ്ക്ക് സാധിച്ചിരുന്നു. വാക്‌സിനേഷനും കൂട്ട കോവിഡ് പരിശോധനകളും നടത്തി ലോകത്ത് ഏറ്റവും കുറഞ്ഞ കോവിഡ് മരണനിരക്കെന്ന ഖ്യാതി യുഎഇ നേടിയെടുത്തിരുന്നു.
