September 04, 2022
September 04, 2022
ദോഹ: യുനെസ്കോ ഇൻസ്റ്റിറ്റ്യൂട്ട് ഫോർ ലൈഫ് ലോംഗ് ലേണിംഗിന്റെ ഗ്ലോബൽ നെറ്റ്വർക്ക് ഓഫ് ലേണിംഗ് സിറ്റികളിൽ ഖത്തറിലെ മൂന്ന് നഗരങ്ങൾ കൂടി ഇടംപിടിച്ചു.ദോഹ, അൽ റയ്യാൻ, അൽ ദായെൻ എന്നീ മൂന്ന് നഗരങ്ങളെ പട്ടികയിൽ ഉൾപെടുത്തിയതോടെ യുനെസ്കോയുടെ അംഗീകാരം ലഭിക്കുന്ന ഖത്തറിലെ നഗരങ്ങളുടെ എണ്ണം ആറായി. നേരത്തെ അൽ വക്ര, അൽ ഷമാൽ, അൽ ഷഹാനിയ എന്നീ മുനിസിപ്പാലിറ്റികളെയും ഗ്ലോബൽ നെറ്റ്വർക്ക് ഓഫ് ലേണിംഗ് സിറ്റികളുടെ പട്ടികയിൽ ഉൾപെടുത്തിയിരുന്നു.
സുസ്ഥിര വികസനത്തിലൂടെ 2030-ലെ ഖത്തർ ദേശീയ ദർശനമെന്ന ലക്ഷ്യം കൈവരിക്കാനുള്ള എല്ലാ മാനദണ്ഡങ്ങളും പ്രതിബദ്ധതയും പൂർത്തീകരിക്കാൻ ഈ നേട്ടത്തിലൂടെ മുനിസിപ്പാലിറ്റികൾക്കു കഴിഞ്ഞതായാണ് വിലയിരുത്തൽ.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക