October 28, 2022
October 28, 2022
ന്യൂസ്‌റൂം ബ്യുറോ
ദോഹ : ലഭ്യമായ പാർക്കിങ് സൗകര്യങ്ങളെ കുറിച്ച് കൃത്യമായ വിവരങ്ങൾ നൽകുന്ന സ്മാർട്ട് പാർക്കിങ് സേവനത്തിന് ദോഹയിൽ തുടക്കമായി.വ്യാഴാഴ്ച ഗതാഗത മന്ത്രി ജാസിം ബിൻ സെയ്ഫ് അൽ സുലൈത്തി, കമ്മ്യൂണിക്കേഷൻസ് ആൻഡ് ഇൻഫർമേഷൻ ടെക്‌നോളജി മന്ത്രി മുഹമ്മദ് ബിൻ അലി അൽ മന്നായി എന്നിവർ ചേർന്നാണ് സ്മാർട്ട് പാർക്കിങ് മൊബൈൽ ആപ് പുറത്തിറക്കിയത്.
സ്മാർട്ട് ഖത്തർ പ്രോഗ്രാമിന്റെ (TASMU) ഭാഗമായാണ് പുതിയ സേവനം ആരംഭിച്ചത്.ഖത്തറിലെ ഡ്രൈവർമാർക്കും കാർ പാർക്കിംഗ് ഉടമകൾക്കും ഏകീകൃത ഡിജിറ്റൽ അനുഭവം നൽകുന്നതാണ് പദ്ധതി.
സൂഖ് വാഖിഫ്, അൽ ബിദാ പാർക്ക്, കോർണിഷ്, ഗേറ്റ് മാൾ, ലുസൈൽ, മഷീറബ്, എന്നിവിടങ്ങളിലെ 28,000-ലധികം പാർക്കിംഗ് സ്ഥലങ്ങൾക്ക് പുറമെ,സുപ്രധാന റോഡുകളിലും കോർണിഷ്, വെസ്റ്റ് ബേ തുടങ്ങിയ ഭാഗങ്ങളിലും ലഭ്യമായ പാർക്കിങ് ഇടങ്ങൾ ഈ മൊബൈൽ ആപ് വഴി എളുപ്പത്തിൽ കണ്ടെത്താനാവും.പാർക്കിംഗ് സ്ഥലങ്ങളിൽ വാഹന ഉടമകൾ നേരിടുന്ന ബുദ്ധിമുട്ടുകൾ പരിഹരിക്കാനും ഏറ്റവും പുതിയ പാർക്കിംഗ് സെൻസറുകൾ ഉപയോഗിച്ച് ഖത്തറിലെ എല്ലാ പാർക്കിംഗ് സ്ഥലങ്ങളും ഡിജിറ്റലായി ലഭ്യമാക്കാനും സ്മാർട്ട് പാർക്കിംഗ് സേവനം വഴി കഴിയും.
ഗൂഗ്ൾപ്ലേയിൽ നിന്നും ആപ് സ്റ്റോറിൽ നിന്നും TASMU എന്ന മൊബൈൽ ആപ് ഡൗൺലോഡ് ചെയ്‌താൽ ഈ സേവനം പ്രയോജനപ്പെടുത്താൻ കഴിയും.
ലിങ്കുകൾ ചുവടെ :
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക
