December 27, 2022
December 27, 2022
ന്യൂസ്റൂം ബ്യുറോ
ദോഹ : ഗാർഹിക തൊഴിലാളികളുടെ റിക്രൂട്ട്മെന്റ് ഓഫീസുകൾ പുനഃസംഘടിപ്പിക്കുകയും നിരീക്ഷണം ശക്തമാക്കുകയും വേണമെന്ന ആവശ്യം ശൂറ കൗൺസിൽ ചർച്ച ചെയ്തു.വിഷയത്തിൽ പൊതു ചർച്ച വേണമെന്ന അംഗങ്ങളുടെ അഭ്യർത്ഥന പരിഗണിച്ചാണ് സ്പീക്കർ ഹസൻ ബിൻ അബ്ദുല്ല അൽ ഗാനിമിന്റെ അധ്യക്ഷതയിൽ ഇന്നലെ ചേർന്ന പ്രതിവാര യോഗം ഇതുസംബന്ധിച്ച് ചർച്ച നടത്തിയത്.
ഗാർഹിക തൊഴിലാളികൾക്കുള്ള നിയമഭേദഗതികളും എല്ലാ കക്ഷികളുടെയും അവകാശങ്ങളും കടമകളും സംരക്ഷിക്കപ്പെടേണ്ടതിന്റെ ആവശ്യകതയും അംഗങ്ങൾ ചൂണ്ടിക്കാട്ടി.
തൊഴിൽ നിയമം ലംഘിക്കുന്ന ചില റിക്രൂട്ട്മെന്റ് ഓഫീസുകളെക്കുറിച്ച് പൗരന്മാർ നൽകിയ പരാതികൾ ചൂണ്ടിക്കാട്ടിയാണ് അംഗങ്ങൾ വിഷയം ഉന്നയിച്ചത്.ഗാർഹിക തൊഴിലാളികളുടെ ചാടിപ്പോകൽ,റിക്രൂട്മെന്റിലെ ഉയർന്ന ചിലവ്, ജീവനക്കാർക്കുള്ള പരിശീലനത്തിന്റെയും യോഗ്യതയുടെയും അഭാവം, ചില കുടുംബങ്ങളിൽ ഗാർഹിക തൊഴിലാളികളുടെ എണ്ണം വർധിക്കുന്നത്, മറ്റ് വെല്ലുവിളികൾ എന്നിവ തടയുന്നതിന് നിയമഭേദഗതി വേണമെന്നാണ് അംഗങ്ങളുടെ ആവശ്യം.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക