December 31, 2022
December 31, 2022
ന്യൂസ്റൂം ബ്യുറോ
ദോഹ : ഇരു രാജ്യങ്ങൾക്കുമിടയിലെ ഉഭയകക്ഷി ബന്ധം ശക്തിപ്പെടുത്തുന്നതിന്റെ കുറിച്ച് ഖത്തർ അമീർ ശൈഖ് തമീം ബിൻ ഹമദ് അൽതാനിയും യു.എ.ഇ പ്രസിഡണ്ട് ശൈഖ് മുഹമ്മദ് ബിൻ സായിദ് അൽ നഹ്യാനും ചർച്ച നടത്തി.വെള്ളിയാഴ്ച ടെലിഫോണിലാണ് ഇരു നേതാക്കളും ഇത് സംബന്ധിച്ച് ചർച്ചകൾ നടത്തിയത്.
അയൽരാജ്യങ്ങൾക്കിടയിൽ സാഹോദര്യ ബന്ധങ്ങൾ ശക്തിപ്പെടുത്തുന്നതിനും വിവിധ മേഖലകളിൽ പങ്കാളിത്തം വർദ്ധിപ്പിക്കുന്നതിനുമുള്ള വഴികൾ നേതാക്കൾ ആരാഞ്ഞു.മേഖലയിലെ നിരവധി പ്രാദേശിക, അന്തർദേശീയ വിഷയങ്ങളും നേതാക്കൾ ചർച്ച ചെയ്തതായി ഔദ്യോഗിക വാർത്താ ഏജൻസി റിപ്പോർട്ട് ചെയ്തു.
നവംബർ, ഡിസംബർ മാസങ്ങളിൽ ഖത്തറിൽ നടന്ന ഫിഫ ലോകകപ്പിന്റെ വിജയത്തിൽ ശൈഖ് തമീമിനെ ശൈഖ് മുഹമ്മദ് നേരത്തെ അഭിനന്ദിച്ചിരുന്നു.ഈ മാസം ആദ്യം ശൈഖ് തമീമിന്റെ ക്ഷണപ്രകാരം ശൈഖ് മുഹമ്മദ് ഖത്തർ സന്ദർശിക്കുകയും ചെയ്തിരുന്നു.2017 ലെ ഉപരോധത്തിന് ശേഷം ഇതാദ്യമായാണ് ഡിസംബറിൽ യു.എ.ഇ പ്രസിഡണ്ട് ഖത്തർ സന്ദർശിച്ചത്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക..