May 03, 2023
May 03, 2023
ന്യൂസ്റൂം ബ്യൂറോ
അബുദാബി: കുട്ടികളുടെ വായനോത്സവത്തിന് ഇന്ന് ഷാര്ജ എക്സ്പോ സെന്ററില് തുടക്കം. 66 രാജ്യങ്ങളിലെ 457 അതിഥികള് പങ്കെടുക്കുന്ന മേള മെയ് 14 വരെ നീളും. സുപ്രീംകൗണ്സില് അംഗവും ഷാര്ജ ഭരണാധികാരിയുമായ ശൈഖ് ഡോ. സുല്ത്താന് ബിന് മുഹമ്മദ് അല് ഖാസിമിയുടെ രക്ഷാകര്തൃത്വത്തില് നടക്കുന്ന മേളയില് കുട്ടിക്കഥകളുടെയും കവിതകളുടെയും വിസ്മയ ലോകം തുറക്കപ്പെടും. നിങ്ങളുടെ ബുദ്ധിശക്തിയെ പരിശീലിപ്പിക്കുക എന്ന പ്രമേയത്തിലാണ് ഈ വര്ഷത്തെ മേള അരങ്ങേറുന്നത്.
തിങ്കള് മുതല് വ്യാഴം വരെ രാവിലെ ഒമ്പതുമുതല് രാത്രി എട്ടുവരെയും വെള്ളിയാഴ്ച വൈകീട്ട് നാലുമുതല് രാത്രി ഒമ്പതുവരെയും ശനി, ഞായര് ദിവസങ്ങളില് രാവിലെ ഒമ്പതുമുതല് രാത്രി ഒമ്പതുവരെയുമാണ് പ്രവേശനം.
വിദ്യാര്ത്ഥികള്ക്കുവേണ്ടിയുള്ള സാഹിത്യ, വിജ്ഞാന, കല, വിനോദ, സാംസ്കാരിക മേഖലകളിലെ രചനകളും പുസ്തകങ്ങളും പരിചയപ്പെടുത്തുകയെന്ന ലക്ഷ്യത്തോടെ സംഘടിപ്പിക്കപ്പെടുന്ന മേളയില് പ്രവേശനം സൗജന്യമാണ്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL