October 07, 2022
October 07, 2022
ന്യൂസ്‌റൂം ബ്യുറോ
ദോഹ: സമൂഹമാധ്യമങ്ങളിൽ വ്യാപകമായി പ്രചരിക്കുന്ന 'ഖത്തർ നിങ്ങളെ സ്വാഗതം ചെയ്യുന്നു' എന്ന തലക്കെട്ടിലുള്ള ഇൻഫോഗ്രാഫിക് പോസ്റ്റർ സുപ്രീം കമ്മിറ്റിയുടെ അംഗീകാരമില്ലാത്തതാണെന്നും തെറ്റായ വിവരങ്ങളാണ് അതിൽ ഉൾപെടുത്തിയിരിക്കുന്നതെന്നും സുപ്രീം കമ്മിറ്റി ഫോർ ഡെലിവറി ആൻഡ് ലെഗസി (എസ്‌സി) അറിയിച്ചു.ഫിഫ ലോകകപ്പുമായി ബന്ധപ്പെട്ട വിവരങ്ങൾക്കും യാത്രാ നിർദേശങ്ങൾക്കും ടൂർണമെന്റ് സംഘാടകരുടെ ഔദ്യോഗിക ഉറവിടങ്ങളെ മാത്രം ആശ്രയിക്കണമെന്നും അധികൃതർ നിർദേശിച്ചു.
ലോകകപ്പിനെത്തുന്ന ആരാധകർക്കുള്ള എല്ലാ മാർഗനിർദേശങ്ങളും ഉൾക്കൊള്ളിച്ചുകൊണ്ട് വിശദമായ 'ഫാൻ ഗൈഡ്'ഫിഫയും ലോകകപ്പ് സംഘാടകരും ഉടൻ പുറത്തിറക്കും.
സുതാര്യവും സഹിഷ്ണുതയോടെയുമുള്ള സമീപനത്തോടെ എല്ലാവരെയും സ്വീകരിക്കുന്ന രാജ്യമാണ് ഖത്തറെന്നും ഫിഫ ലോകകപ്പ് സമയത്ത് ആരാധകർക്ക് ഇത് നേരിട്ട് അനുഭവിക്കാൻ കഴിയുമെന്നും സുപ്രീം കമ്മിറ്റി ഫോർ ഡെലിവറി ആൻഡ് ലെഗസി (എസ്‌സി) വ്യക്തമാക്കി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
