June 29, 2023
June 29, 2023
ന്യൂസ്റൂം ബ്യുറോ
ദോഹ :നവീകരണ പ്രവർത്തനങ്ങൾക്കായി റുമൈല ആശുപത്രിയിലെ വയോജനങ്ങൾക്കുള്ള ഔട്പേഷ്യന്റ് വിഭാഗം താൽകാലികമായി അൽ സദ്ദ് ഹെൽത്ത് സെന്ററിലേക്ക് മാറ്റുമെന്ന് പ്രൈമറി ഹെൽത്ത് കെയർ കോർപ്പറേഷൻ അറിയിച്ചു.രോഗികൾക്ക് മികച്ച സേവനങ്ങൾ നൽകാൻ ലക്ഷ്യമാക്കി ഏതാനും മാസങ്ങൾക്കകം വിപുലീകരണം പൂർത്തിയാകുമെന്നും അധികൃതർ അറിയിച്ചു.ഇതിന്റെ ഭാഗമായാണ് ജൂലൈ 1 മുതൽ ഒക്ടോബർ 31 വരെ റുമൈല ആശുപത്രിയിലെ ഔട്ട്പേഷ്യന്റ് ജെറിയാട്രിക് വിഭാഗം അൽ സദ്ദിലെക്ക് മാറ്റുന്നത്.
നവീകരണ പ്രവർത്തനങ്ങൾ പൂർത്തിയായാൽ, ഔട്ട്പേഷ്യന്റ് ജെറിയാട്രിക് വിഭാഗം റുമൈലയിലേക്ക് തന്നെ മാറ്റും.
ഈ കാലയളവിലുടനീളം ഷെഡ്യൂൾ ചെയ്തിട്ടുള്ള ഔട്ട്പേഷ്യന്റ് അപ്പോയിന്റ്മെന്റുകളുള്ള രോഗികളെ SMS വഴി നേരിട്ട് മാറ്റങ്ങളെക്കുറിച്ച് അറിയിക്കും.
പ്രൈമറി ഹെൽത്ത് കെയർ കോർപ്പറേഷന്റെ ഏറ്റവും പുതിയ ആരോഗ്യ കേന്ദ്രമാണ് അൽ സദ്ദ് ഹെൽത്ത് സെന്റർ.
കൂടുതൽ വിവരങ്ങൾക്ക്, HMC-യുടെ കസ്റ്റമർ സർവീസുമായി(Nesma'ak) 16060 എന്ന നമ്പറിൽ ബന്ധപ്പെടാവുന്നതാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/LiM4EdDAtkTAmYRCb0LMz9