October 25, 2022
October 25, 2022
ന്യൂസ്റൂം ബ്യുറോ
ദോഹ : ഖത്തറിലെ മറ്റു ഭാഷക്കാരായ വിദേശികൾക്കായി ഖത്തർ യൂണിവേഴ്സിറ്റി സൗജന്യ അറബി ഭാഷാ പഠന കോഴ്സ് ആരംഭിച്ചു.ഓൺലൈനായാണ് കോഴ്സ് നടക്കുക..
അറബി ഭാഷയെ പരിപോഷിപ്പിക്കാൻ ലക്ഷ്യമാക്കി മൂന്ന് വലിയ ഓപ്പൺ ഓൺലൈൻ കോഴ്സുകളാണ് ആരംഭിക്കുന്നത്.കോവിഡ് വ്യാപനത്തെ തുടർന്ന് നിരവധി വിദ്യാഭ്യാസ പദ്ധതികൾക്ക് മുടക്കം നേരിട്ട സാഹചര്യത്തിൽ കൂടിയാണ് ലോകത്തെവിടെ നിന്നും പഠിക്കാൻ കഴിയുന്ന തരത്തിൽ ഇ-ലേണിങ് കോഴ്സിന് തുടക്കമിട്ടത്.
അറബിക് നോൺ-അറബിക് സ്പീക്കേഴ്സ് കോഴ്സ്, ഹ്യൂമൻ ബീയിംഗ് ഇൻ ഇസ്ലാം കോഴ്സ്, ഖത്തർ ഹിസ്റ്ററി ആൻഡ് ഹെറിറ്റേജ് കോഴ്സ് എന്നീ തലക്കെട്ടുകളിലുള്ളതാണ് പ്രാരംഭ ക്ളാസുകൾ.
(കൂടുതൽ അറിയാൻ ഈ ലിങ്കിൽ ക്ലിക്ക് ചെയ്യുക)
ഖത്തര് യൂണിവേര്സിറ്റിയുടെ ‘അറബിക് ഫോര് നോണ്-നേറ്റീവ് സ്പീക്കേഴ്സ് സെന്റര്’ മുഖേന, 35-ലധികം രാജ്യങ്ങളില് നിന്നുളള വിദ്യാര്ത്ഥികള്ക്ക് അറബി പഠിക്കുന്നുണ്ട്. തദ്ദേശീയരല്ലാത്തവര്ക്കായി അറബി പഠിപ്പിക്കുന്നതില് വൈദഗ്ധ്യമുള്ള ഫാക്കല്റ്റി അംഗങ്ങളുടെ ഒരു എലൈറ്റ് ഗ്രൂപ്പാണ് ഇതിന് നേതൃത്വം കൊടുക്കുന്നത്. അറബിക് ഓണ്ലൈനില് പഠിക്കാനുള്ള വര്ദ്ധിച്ചുവരുന്ന ആവശ്യം പരിഗണിച്ചാണ് പുതിയ കോഴ്സുകള് ആരംഭിക്കുന്നത്. കോഴ്സുകള് അനൗണ്സ് ചെയ്ത ശേഷം ലോകത്തിന്റെ വിവിധ ഭാഗങ്ങളില് നിന്നായി 600 പേര് ഇതിനകം തന്നെ രജിസ്റ്റര് ചെയ്തതായി യൂണിവേര്സിറ്റി അറിയിച്ചു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക