September 23, 2023
September 23, 2023
ദോഹ: ഖത്തറിൽ സ്മാർട്ട് പബ്ലിക് പാർക്കിംഗ് സംവിധാനം നടപ്പിലാക്കുന്നതിന്റെ ഭാഗമായി 3,300 വാഹന പാർക്കിങ് സെൻസറുകൾ സ്ഥാപിച്ചതായി അധികൃതർ അറിയിച്ചു.
വെസ്റ്റ് ബേ, കോർണിഷ്, സെൻട്രൽ ദോഹ എന്നിവിടങ്ങളിലാണ് സെൻസറുകൾ സ്ഥാപിച്ചത്. ഇവിടെ 18,000-ലധികം വാഹനങ്ങൾക്ക് പാർക്കിംഗ് സ്ഥലങ്ങൾ ലഭ്യമാണ്. ആവശ്യമായ നടപടിക്രമങ്ങൾ പൂർത്തിയാക്കി ഉടൻ പദ്ധതി ആരംഭിക്കും.
ആദ്യഘട്ടത്തിൽ ഏകദേശം 3,300 പാർക്കിംഗ് സെൻസറുകൾ സ്ഥാപിച്ചതായി മുനിസിപ്പാലിറ്റി മന്ത്രാലയത്തിലെ ടെക്നിക്കൽ ഓഫീസ് ഡയറക്ടർ എൻജിൻ താരിഖ് അൽ തമീമി വാർത്താസമ്മേളനത്തിൽ പറഞ്ഞു.
മറ്റു പ്രധാന സ്ഥലങ്ങളിലും സെൻസറുകൾ സ്ഥാപിക്കാനുള്ള പ്രവർത്തനങ്ങൾ നടന്നുവരികയാണെന്നും അദ്ദേഹം പറഞ്ഞു. ആദ്യ ഘട്ടത്തിൽ 80 സൈൻബോർഡുകൾ സ്ഥാപിച്ചു.
പാർക്കിംഗ് സ്ഥലങ്ങൾ ക്രമീകരിച്ച് അവ പരമാവധി പ്രയോജനപ്പെടുത്തി തിരക്ക് കുറയ്ക്കുകയാണ് പദ്ധതിയുടെ ലക്ഷ്യം. എന്നാൽ പാർക്കിംഗ് ഫീസിനെക്കുറിച്ചുള്ള വിശദാംശങ്ങൾ ലഭ്യമാക്കിയിട്ടില്ല.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G