February 12, 2023
February 12, 2023
ന്യൂസ്റൂം ബ്യുറോ
ദോഹ :ഭൂകമ്പം ദുരിതം വിതച്ച തുർക്കിയിലെ സാഹചര്യങ്ങൾ വിലയിരുത്താൻ ഖത്തർ അമീർ ശൈഖ് തമീം ബിൻ ഹമദ് അൽതാനി തുർക്കിയിലേക്ക് പുറപ്പെട്ടു.ഇന്ന്(ഞായറാഴ്ച)രാവിലെയാണ് അമീർ ഇസ്താംബൂളിലേക്ക് യാത്ര തിരിച്ചതെന്ന് ഖത്തർ ന്യൂസ് ഏജൻസി റിപ്പോർട്ട് ചെയ്തു.
തുർക്കി പ്രസിഡന്റ് റജബ് ത്വയ്യിബ് എർദോഗനുമായി കൂടിക്കാഴ്ച നടത്തുന്ന അമീർ രാജ്യത്തെ നിലവിലെ സാഹചര്യങ്ങൾ വിലയിരുത്തും.
ഭൂകമ്പത്തിൽ ദുരിതം നേരിടുന്ന തുർക്കിയിലെയും സിറിയയിലെയും ജനങ്ങളെ സഹായിക്കാൻ ഖത്തർ കോടിക്കണക്കിന് റിയാലിന്റെ സഹായങ്ങൾ എത്തിച്ചിരുന്നു.ഖത്തർ റെഡ് ക്രസന്റിന്റെയും ലഖ്വിയയുടെയും നേതൃത്വത്തിലുള്ള സംഘം രക്ഷാപ്രവർത്തനങ്ങളിൽ സജീവമാണ്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CZ8evyItpDFGmuyTIzjnaL എന്ന ലിങ്കിൽ ജോയിൻ ചെയ്യുക