September 03, 2021
September 03, 2021
ദുബൈ: പ്രശസ്ത മലയാള ചലച്ചിത്ര നിര്മാതാവ് എറണാകുളം മട്ടാഞ്ചേരി കൊമ്ബറമുക്ക് നജീബ് ഹൃദയാഘാതത്തെ തുടര്ന്ന് മരിച്ചു. 49 വയസായിരുന്നു. ദുബൈയില്വച്ചാണ് മരണം സംഭവിച്ചത്.
മലയാള സിനിമയ്ക്ക് ഒരുപിടി നല്ല ചിത്രങ്ങള് സമ്മാനിച്ച ബാബു-നജീബ് കൂട്ടുകെട്ടില് ഒരാളാണ്. മലപ്പുറം ഹാജി മഹാനായ ജോജി, സുന്ദരി നീയും സുന്ദരന് ഞാനും, പടനായകന്, മേലെവാര്യത്തെ മാലാഖ കുട്ടികള് തുടങ്ങിയ ചിത്രങ്ങള് നിര്മിച്ചു. അരയന്നങ്ങളുടെ വീട്, വജ്രം എന്നീ സിനിമകളുടെ എക്സിക്യൂടീവ് പ്രൊഡ്യൂസറായിരുന്നു.
വര്ഷങ്ങളായി ദുബൈയില് ആയിരുന്നു താമസം. പിതാവ്: ഹംസ. മാതാവ്: ജമീല. ഭാര്യ: ഷാനി നജീബ്. മക്കള്: സ്നേഹ, നടാഷ.