January 30, 2023
January 30, 2023
ന്യൂസ്‌റൂം ബ്യുറോ
തിരുവനന്തപുരം : പ്രവാസി തിരിച്ചറിയല്‍ കാര്‍ഡ്, എന്‍.ആര്‍.കെ ഇന്‍ഷുറന്‍സ് കാര്‍ഡ്, പ്രവാസി രക്ഷ ഇന്‍ഷുറന്‍സ് പോളിസി എന്നിവക്ക് നോര്‍ക്ക റൂട്ട്സ് നിരക്ക് വർധിപ്പിച്ചു. 18 ശതമാനം ജി.എസ്.ടി പരിധിയില്‍ ഉള്‍പ്പെട്ടതിനാല്‍ നിരക്ക് വര്‍ധിപ്പിക്കുന്നു എന്നാണ് നോര്‍ക്ക റൂട്ട്സ് അറിയിച്ചിരിക്കുന്നത്. ഇതനുസരിച്ച്‌ പ്രവാസി തിരിച്ചറിയല്‍ കാര്‍ഡിനും എന്‍.ആര്‍.കെ ഇന്‍ഷുറന്‍സ് കാര്‍ഡിനുമുള്ള സര്‍വിസ് ചാര്‍ജ് നിലവിലെ 315 രൂപയില്‍നിന്ന് 372 രൂപയായും പ്രവാസി രക്ഷ ഇന്‍ഷുറന്‍സ് പോളിസി നിരക്ക് 550ല്‍നിന്ന് 649 രൂപയായും വര്‍ധിപ്പിച്ചു. പുതുക്കിയ നിരക്കുകള്‍ ഫെബ്രുവരി ഒന്നുമുതല്‍ നിലവില്‍ വരുമെന്ന് നോര്‍ക്ക റൂട്ട്സ് പുറത്തിറക്കിയ വിജ്ഞാപനത്തില്‍ പറയുന്നു.
അതേസമയം, നിരക്കുവര്‍ധന പ്രവാസികളോട് കാണിക്കുന്ന അനീതിയാണെന്നും പ്രവാസികളോടുള്ള അവഗണനയുടെ തുടര്‍ച്ചയാണ് പുതിയ തീരുമാനമെന്നും പ്രവാസികൾ അഭിപ്രായപ്പെട്ടു.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
