December 04, 2022
December 04, 2022
ന്യൂസ്റൂം ബ്യുറോ
ദോഹ : ഗ്രൂപ്പ് ഘട്ടം അവസാനിച്ചതിന് പിന്നാലെ ലോകകപ്പ് ടിക്കറ്റില്ലാത്ത ആരാധകർക്ക് രാജ്യത്തേക്ക് വരാനും ഫിഫ ലോകകപ്പിൽ പങ്കെടുക്കാനും അനുവദിക്കുന്ന പുതിയ ഹയ്യ കാർഡ് ഓപ്ഷൻ ഖത്തർ അവതരിപ്പിച്ചു.ഇതിനായുള്ള 'ഏർലി ഡിസംബർ' സംവിധാനം ഡിസംബർ 2 അർധരാത്രി മുതൽ നിലവിൽ വന്നിരുന്നു.
ഖത്തറിൽ താമസ സൗകര്യം ബുക്ക് ചെയ്തതിന്റെ രേഖ സഹിതം 500 ഖത്തർ റിയാൽ ഫീസായി നൽകിയാൽ ലോകകപ്പ് ടിക്കറ്റ് ഇല്ലാതെ തന്നെ ഖത്തറിലേക്ക് വരാവുന്നതാണ്.12 വയസ്സിൽ താഴെയുള്ള കുട്ടികൾക്ക് ഫീസ് ബാധകമാവില്ല.ഓൺലൈൻ പ്ലാറ്റ്ഫോം വഴിയുള്ള ഹയ്യ കാർഡ് കയ്യിൽ കരുതിയിരിക്കണം.രാജ്യത്തെത്തിയാൽ സാധുവായ മാച്ച് ടിക്കറ്റിനൊപ്പം സ്റ്റേഡിയങ്ങളിലേക്കുള്ള പ്രവേശനവും ഫിഫ ഫാൻ ഫെസ്റ്റിവലിലേക്കുള്ള പ്രവേശനവും സൗജന്യ പൊതുഗതാഗതവും അനുവദിക്കും.ജനുവരി 23 വരെ ഇവർക്ക് രാജ്യത്ത് തങ്ങാൻ കഴിയും.
ഹയ്യ കാർഡിന് അപേക്ഷിക്കാൻ : Click Here
ഹയ്യ ടു ഖത്തർ 2022 മൊബൈൽ ആപ്ലിക്കേഷൻ ഡൗൺലോഡ് ചെയ്യാൻ : Apple / Google Play/ Huawei
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/C2rupFykVgXBqmlpJc6amX എന്ന ലിങ്കിൽ ജോയിൻ ചെയ്യുക
: