October 09, 2022
October 09, 2022
ന്യൂസ്‌റൂം ബ്യുറോ
ദോഹ : തൊഴിലാളികൾക്ക് വിവേചനരഹിതമായ മിനിമം വേതനം ഏർപ്പെടുത്തിയതും നടപ്പാക്കിയതും തൊഴിലാളികളുടെയും അവരുടെ കുടുംബങ്ങളുടെയും ജീവിത നിലവാരം മെച്ചപ്പെടുത്താൻ സഹായിച്ചതായി ഖത്തർ ദേശീയ മനുഷ്യാവകാശ സമിതി (എൻഎച്ച്ആർസി) വൈസ് ചെയർമാൻ ഡോ. മുഹമ്മദ് ബിൻ സെയ്ഫ് അൽ കുവാരി അവകാശപ്പെട്ടു.
2021 മാർച്ച് 20-നാണ് ഖത്തറിൽ ഏറ്റവും കുറഞ്ഞ വേതനം 1000 റിയാലാക്കിക്കൊണ്ടുള്ള നിയമം പ്രാബല്യത്തിൽ വന്നത്..ഗാർഹിക തൊഴിലാളികൾ ഉൾപ്പെടെ എല്ലാ മേഖലകളിലെയും എല്ലാ രാജ്യങ്ങളിൽ നിന്നുള്ള തൊഴിലാളികൾക്കും നിയമം ബാധകമാക്കിയിട്ടുണ്ട്.ഇതിന് പുറമെ,താമസവും ഭക്ഷണവും കമ്പനി നല്കുന്നില്ലെങ്കിൽ താമസത്തിനായി പ്രതിമാസം 500 റിയാലും ഭക്ഷണത്തിന് 300 റിയാലും നൽകണമെന്നാണ് വ്യവസ്ഥ.
"എൻഎച്ച്ആർസി വൈസ് ചെയർമാനെന്ന നിലയിൽ ലേബർ ക്യാമ്പുകൾ സന്ദർശിച്ച വേളയിൽ,തൊഴിലാളികളിൽ നിന്ന് ഇതേകുറിച്ച് വളരെ നല്ല പ്രതികരണങ്ങളാണ് ലഭിച്ചത്."-അദ്ദേഹം പറഞ്ഞു.
അതേസമയം,മനുഷ്യാവകാശ ലംഘനങ്ങളുമായി ബന്ധപ്പെട്ട് ഉയരുന്ന ആരോപണങ്ങളെ കുറിച്ച് വിശദീകരിച്ച അൽ കുവാരി, അടിസ്ഥാനരഹിതമായ ഇത്തരം ആരോപണങ്ങൾക്ക് പിന്നിൽ ചില നിക്ഷിപ്‌ത താൽപര്യങ്ങളുള്ള സ്ഥാപനങ്ങളും വ്യക്തികളുമാണെന്ന് കുറ്റപ്പെടുത്തി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
