August 03, 2023
August 03, 2023
ന്യൂസ്‌റൂം ബ്യൂറോ
കൊച്ചി: നെടുമ്പാശ്ശേരി വിമാനത്താവളത്തിൽ നിന്ന് ഷാർജയിലേക്ക് പുറപ്പെട്ട എയർ ഇന്ത്യാ എക്സ്പ്രസ് വിമാനം അടിയന്തരമായി തിരിച്ചിറക്കി. വിമാനത്തിൽ നിന്ന് പുക ഉയരുന്നത് കണ്ടതിനെ തുടർന്നാണ് വിമാനം തിരിച്ചിറക്കിയത്. രാത്രി 10.30 ന് പുറപ്പെട്ട വിമാനം 11.30 നോടെയാണ് വിമാനം തിരിച്ചിറക്കിയത്.
വിമാനത്തിൽ ഉണ്ടായിരുന്ന ഒരു യാത്രക്കാരനാണ് പുക കണ്ടതായി എയർലൈൻ സ്റ്റാഫുകളെ അറിയിച്ചത്. അര മണിക്കൂറോളം പറന്നതിന് ശേഷമായിരുന്നു പുക ശ്രദ്ധയിൽ പെട്ടത്. ഈ വിമാനത്തിലുണ്ടായിരുന്ന 170 -ഓളം യാത്രക്കാരെ ദുബൈയിൽ നിന്നു വന്ന മറ്റൊരു വിമാനത്തിൽ കയറ്റി അയച്ചു.
അതേസമയം, അടുത്തിടെ കരിപ്പൂരിൽ നിന്ന് പറന്നുയർന്ന ഒമാൻ എയർവേയ്‌സ് വിമാനം സാങ്കേതിക തകരാർ മൂലം തിരിച്ചിറക്കിയ വാർത്ത പുറത്തുവന്നിരുന്നു. മസ്കറ്റിലേക്ക് പറന്ന വിമാനമാണ് അടിയന്തിരമായി തിരിച്ചിറക്കിയത്. 162 യാത്രക്കാരാണ് വിമാനത്തിൽ കുടുങ്ങിയത്. കാലാവസ്ഥാ റെഡാറിന്റെ തകരാറായിരുന്നുവെന്നാണ് റിപ്പോർട്ട്. കാലാവസ്ഥാ മുന്നറിയിപ്പ് തിരിച്ചറിയാൻ വിമാനത്തിന് കഴിയാതെ വന്നതോടെയാണ് വിമാനം അടിയന്തിരമായി തിരിച്ചിറക്കിയത്. വിമാനത്തിന് യന്ത്രത്തകരാർ ഒന്നും റിപ്പോർട്ട് ചെയ്തിട്ടില്ല.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
