March 19, 2024
March 19, 2024
ദുബായ്: ദുബായിൽ മന്ത്രവാദ സാമഗ്രികൾ ഉപയോഗിച്ച് ഭിക്ഷാടനം നടത്തിയ സ്ത്രീയെ ദുബായ് പോലീസ് അറസ്റ്റ് ചെയ്തു. ഏഷ്യൻ വംശജയാണ് അറസ്റ്റിലായത്. പേപ്പറുകൾ, ഉപകരണങ്ങൾ, മന്ത്രവാദ താലികൾ, മാന്ത്രിക മൂടുപടം എന്നിവ യുവതിയിൽ നിന്ന് പിടിച്ചെടുത്തു. ഒരു റെസിഡൻഷ്യൽ ഏരിയയിൽ നിന്നാണ് യാചകയെ പിടികൂടിയതെന്ന് ജനറൽ ഡിപ്പാർട്ട്‌മെൻ്റ് ഓഫ് ക്രിമിനൽ ഇൻവെസ്റ്റിഗേഷനിലെ സസ്പെക്ട്സ് ആൻഡ് ക്രിമിനൽ പ്രതിഭാസ വിഭാഗം ഡയറക്ടർ ബ്രിഗേഡിയർ അലി സലേം അൽ ഷംസി പറഞ്ഞു.
ഭിക്ഷാടനത്തെ കുറിച്ച് ഒരു താമസക്കാരന്‍ ജനറൽ ഡിപ്പാർട്ട്‌മെൻ്റ് ഓഫ് ഓപ്പറേഷൻസിൻ്റെ കമാൻഡ് ആൻഡ് കൺട്രോൾ സെൻ്ററിൽ റിപ്പോര്‍ട്ട് ചെയ്തതിന് പിന്നാലെയാണ് യുവതിയെ പിടികൂടിയതെന്നും ബ്രിഗേഡിയർ അൽ ഷംസി പറഞ്ഞു.
ദുബായ് പോലീസ് ആരംഭിച്ച ‘കോംബാറ്റ് ബെഗ്ഗിംഗ്’ ആൻ്റി ഭിക്ഷാടന കാമ്പയിൻ്റെ ഭാഗമായാണ് യുവതിയുടെ അറസ്റ്റ്. ഭിക്ഷാടനം എന്ന കുറ്റകൃത്യത്തെ ചെറുക്കുന്നതിലൂടെയും തടയുന്നതിലൂടെയും സമൂഹത്തെ സംരക്ഷിക്കേണ്ടതിൻ്റെ പ്രാധാന്യത്തെക്കുറിച്ച് അവബോധം വളർത്തുക എന്നതാണ് കാമ്പയിൻ്റെ പ്രാഥമിക ലക്ഷ്യം.
ഭിക്ഷാടകരോട് സഹതാപം കാണിക്കുകയോ അവർക്ക് പണം നൽകുകയോ ചെയ്യുന്നതിൽ നിന്ന് വിട്ടുനിൽക്കണമെന്നും, റമദാൻ മാസത്തിൽ ആളുകളുടെ വികാരങ്ങൾ ചൂഷണം ചെയ്യാൻ ലക്ഷ്യമിടുന്ന യാചകരുടെ പദ്ധതികൾക്ക് ഇരയാകാതിരിക്കേണ്ടതിൻ്റെ പ്രാധാന്യവും അൽ ഷംസി ഊന്നിപ്പറഞ്ഞു. മസ്ജിദ് പ്രവേശന കവാടങ്ങൾ, ക്ലിനിക്കുകൾ, ആശുപത്രികൾ, മാർക്കറ്റുകൾ, തെരുവുകൾ എന്നിവ കേന്ദ്രീകരിച്ചാണ് സാധാരണയായി ഭിക്ഷാടന പ്രവർത്തനങ്ങൾ നടക്കുന്നതെന്നും അദ്ദേഹം വ്യക്തമാക്കി.
ഭിക്ഷാടകരെ ശ്രദ്ധയിൽപ്പെട്ടാൽ 901 എന്ന ടോൾ ഫ്രീ നമ്പറിലോ, ദുബായ് പോലീസിൻ്റെ സ്മാർട്ട് ആപ്പിലെ 'പോലീസ് ഐ' സേവനത്തിലൂടെയോ ഉടൻ അറിയിക്കണമെന്നും അധികൃതർ അഭ്യർത്ഥിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
