October 05, 2023
October 05, 2023
ദുബായ്: വാട്സ്ആപ്പ് അക്കൗണ്ടുകള് ഹാക്ക് ചെയ്ത് വിവരങ്ങള് ചോര്ത്തുന്നവര്ക്കെതിരെ ജാഗ്രതാ മുന്നറിയിപ്പുമായി യുഎഇ. വാട്സ്ആപ്പ് അക്കൗണ്ടുകളിലൂടെ വരുന്ന ലിങ്കുകള് തുറക്കുമ്പോള് സൂക്ഷമത പാലിക്കണമെന്ന് യുഎഇ ടെലികോം റെഗുലേറ്ററി അതോറിറ്റി അറിയിച്ചു. കഴിഞ്ഞ ദിവസങ്ങളിലായി നിരവധി പേരുടെ വാട്സ്ആപ്പ് അക്കൗണ്ടുകള് ഹാക്ക് ചെയ്യപ്പെട്ട പശ്ചാത്തലത്തിലാണ് ടെലികോം അതോറിറ്റിയുടെ മുന്നറിയിപ്പ്.
പരിചയമുള്ളവരുടെ വാട്സ്ആപ്പ് നമ്പറുകളില് നിന്ന് വരുന്ന ലിങ്കുകളിലൂടെയും ഹാക്കര്മാര് ബാങ്ക്, എടിഎം ഉള്പ്പെടെയുള്ള വിവരങ്ങള് ചോര്ത്തുന്നുണ്ടെന്ന വിവരങ്ങളുടെ അടിസ്ഥാനത്തിലാണ് അതോറിറ്റിയുടെ ജാഗ്രതാ നിര്ദേശം. ഏതെങ്കിലും സാഹചര്യത്തില് വാട്സ്ആപ്പ് അക്കൗണ്ടുകള് ഹാക്ക് ചെയ്തതായി ശ്രദ്ധയില്പ്പെട്ടാല് support@whatsapp.com എന്ന ഇമെയില് വിലാസത്തില് അറിയിക്കണമെന്നും യുഎഇ ടെലികോം അതോറിറ്റി അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV