March 03, 2024
March 03, 2024
അബുദാബി: യു.എ.ഇയിൽ വീണ്ടും ശക്തമായ മഴയ്ക്ക് സാധ്യത. മാർച്ച് 4 (തിങ്കൾ) മുതൽ മാർച്ച് 6 വരെ (ബുധൻ) രാജ്യത്തിന്റെ പല ഭാഗങ്ങളിലും ഇടിമിന്നലോട് കൂടിയ ശക്തമായ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥ നിരീക്ഷണ കേന്ദ്രം (എൻ.സി.എം) അറിയിച്ചു. എക്സ് പ്ലാറ്റ്ഫോമിലൂടെയാണ് മുന്നറിയിപ്പ് സന്ദേശം നൽകിയത്.
തെക്കുപടിഞ്ഞാറ് നിന്ന് വ്യാപിക്കുന്ന ന്യൂനമർദ്ദമാണ് ശക്തമായ മഴക്ക് കാരണം. തെക്ക് ഭാഗത്ത് അന്തരീക്ഷ താപനില കുറയും. ശക്തമായ പൊടിക്കാറ്റിനും സാധ്യതയുണ്ട്. ഇത് ദൃശ്യപരത കുറക്കുന്നതിനാൽ വാഹനമോടിക്കുന്നവർ ജാഗ്രത പുലർത്തണമെന്ന് അധികൃതർ മുന്നറിയിപ്പ് നൽകി. കടൽ പ്രക്ഷുബ്ധമാകാനും സാധ്യതയുണ്ടെന്ന് എൻ.സി.എം അറിയിച്ചു.
കഴിഞ്ഞ മാസം 10ന് ആരംഭിച്ച ശക്തമായ മഴയിലും ആലിപ്പഴ വർഷത്തിലും രാജ്യത്ത് വലിയ നാശനഷ്ടമുണ്ടായിരുന്നു . അൽ ഐൻ ഉൾപ്പെടെയുള്ള മേഖലകളിലാണ് ആലിപ്പഴ വർഷം ഉണ്ടായത്. രാജ്യവ്യാപകമായി കനത്ത മഴയും ഉണ്ടായിരുന്നു. ഷാർജയിലെ കൽബയിലും മറ്റും വെള്ളപ്പൊക്കത്തിന് കാരണമാവുകയും ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F