December 09, 2023
December 09, 2023
ദുബായ്: യുഎഇയിൽ 52-ാമത് ദേശീയ ദിനം ആഘോഷിക്കാൻ സുരക്ഷാ ചട്ടങ്ങളും മാർഗ്ഗനിർദ്ദേശങ്ങളും ലംഘിച്ചതിന് 94 വാഹനങ്ങൾ ദുബായ് പോലീസ് പിടിച്ചെടുത്തു. 4420 അപകടകരമായ നിയമലംഘനങ്ങളും റിപ്പോർട്ട് ചെയ്തിട്ടുണ്ട്. അൽ റുവയ്യ, ജുമൈറ, മറ്റ് ചില പാർപ്പിട മേഖലകൾ എന്നിവിടങ്ങളിലാണ് ഏറ്റവും കൂടുതൽ നിയമലംഘനങ്ങൾ നടന്നതെന്ന് ദുബായ് പോലീസിലെ ജനറൽ ഡിപ്പാർട്ട്മെന്റ് ഓഫ് ട്രാഫിക് ഡയറക്ടർ മേജർ ജനറൽ സെയ്ഫ് മുഹൈർ അൽ മസ്റൂയി പറഞ്ഞു.
"അശ്രദ്ധമായി വാഹനം ഓടിക്കുക, റോഡ് സ്റ്റണ്ട്, മറ്റ് വാഹനങ്ങൾക്ക് ബുദ്ധിമുട്ടുണ്ടാകുക, ഗതാഗതം തടസ്സപ്പെടുത്തുക, അനധികൃത പരേഡുകൾ, അനധികൃത ഒത്തുചേരലുകൾ, ട്രാഫിക് നിയമങ്ങൾ പാലിക്കാതിരിക്കുക, പോലീസ് നിർദ്ദേശങ്ങൾ അനുസരിക്കാതിരിക്കുക, ഉച്ചത്തിൽ ശബ്ദമുണ്ടാക്കുന്ന ഉപകരണങ്ങൾ ഉപയോഗിക്കുക, ഉച്ചത്തിൽ ഗാനങ്ങൾ വെയ്ക്കുക, നിയമവിരുദ്ധമായി വാഹനങ്ങൾ പരിഷ്ക്കരിക്കുക, പാർട്ടി സ്പ്രേ ഉപയോഗിക്കുക, ലൈസൻസ് പ്ലേറ്റുകൾ മറയ്ക്കുക, വാഹനത്തിന്റെ നിറം മാറ്റുക, തുടങ്ങിയവയാണ് അവർ ചെയ്ത കുറ്റങ്ങൾ," മുഹൈർ അൽ മസ്റൂയി വ്യക്തമാക്കി.
വാഹനങ്ങൾ പിടിച്ചെടുക്കുന്നതുൾപ്പെടെ നിയമ ലംഘകർക്ക് 50,000 ദിർഹം വരെ പിഴയും മറ്റ് കർശനമായ ശിക്ഷകളും നേരിടേണ്ടിവരുമെന്ന് അധികൃതർ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F