January 22, 2024
January 22, 2024
ദുബായ്: ദുബായില് സീബ്രാ ക്രോസിംഗ് ഇല്ലാത്ത സ്ഥലത്ത് അശ്രദ്ധമായി റോഡ് ക്രോസ് ചെയ്ത രണ്ട് കാല്നടയാത്രക്കാര്ക്കും കാല്നടയാത്രക്കാരെ ഇടിച്ച വാഹനത്തിന്റെ ഡ്രൈവര്ക്കും ദുബായ് ട്രാഫിക് കോടതി പിഴ വിധിച്ചു. വാഹനം നിര്ത്താതെ കാല്നടയാത്രക്കാരെ ഇടിച്ച് പരിക്കേല്പ്പിച്ച കുറ്റത്തിന് ഡ്രൈവര്ക്ക് രണ്ടായിരം ദിര്ഹവും വാഹനങ്ങള് ശ്രദ്ധിക്കാതെ റോഡ് മുറിച്ചുകടക്കാന് ശ്രമിച്ച കാല്നടയാത്രക്കാര്ക്ക് 400 ദിര്ഹവും പിഴ ചുമത്തി. ഏഷ്യന് വംശജരായ കാല്നടയാത്രക്കാര്ക്കാണ് ശിക്ഷ വിധിച്ചത്.
ഡ്രൈവര് ട്രാഫിക് നിയമങ്ങള് പാലിക്കാത്തതാണ് അപകടത്തിന് കാരണമെന്ന് കോടതി വ്യക്തമാക്കി. കാല്നടയാത്രക്കാരെ ശ്രദ്ധിച്ചില്ലെന്ന് ഡ്രൈവറും കോടതിയില് സമ്മതിച്ചു. വാഹമിടിച്ച് കാല്നടയാത്രക്കാര്ക്ക് പരിക്കേറ്റതായി മെഡിക്കല് റിപ്പോര്ട്ടുകളും സ്ഥിരീകരിച്ചിരുന്നു. അതേസമയം അപകടത്തില് വാഹനത്തിനും കേടുപാടുകള് സംഭവിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F