January 03, 2024
January 03, 2024
യുഎഇ: യുഎഇ-യിലെ ജനപ്രിയ നറുക്കെടുപ്പായ എമിറേറ്റ്സ് ഡ്രോ താല്ക്കാലികമായി നിര്ത്തിവെച്ചു. രാജ്യത്തെ ഗെയിമിംഗ് റെഗുലേറ്ററി അതോറിറ്റിയുടെ നിര്ദേശത്തെത്തുടര്ന്നാണ് തീരുമാനം. നിര്ദേശത്തിന് പിന്നാലെ നറുക്കെടുപ്പിന്റെ ടിക്കറ്റ് വില്പ്പനയും നിര്ത്തി.
അതേസമയം ടിക്കറ്റ് എടുത്തവര്ക്ക് പണം നഷ്ടമാകില്ലെന്നും വിജയികള്ക്ക് സമ്മാനത്തുക പൂര്ണമായും ലഭിക്കുമെന്നും നറുക്കെടുപ്പ് അധികൃതര് വ്യക്തമാക്കി. നറുക്കെടുപ്പിനായി ടിക്കറ്റ് എടുത്തവര്ക്ക് പണം പിന്വലിക്കാനുള്ള സൗകര്യവും ഒരുക്കിയിട്ടുണ്ട്. നിയന്ത്രണങ്ങള്ക്ക് വിധേയമായി ഉടന് തന്നെ നറുക്കെടുപ്പ് ആരംഭിക്കുമെന്നും കമ്പനി അറിയിച്ചു.
ബാധകമായ വാണിജ്യ ഗെയിമിംഗ് നിയന്ത്രണങ്ങള്ക്ക് വിധേയമായി മെഹ്സൂസ് നറുക്കെടുപ്പ് ഡിസംബര് 31 മുതല് നിര്ത്തിയിരുന്നു. യുഎഇയില് ദേശീയ ലോട്ടറിയും വാണിജ്യ ഗെയിമിംഗും നിയന്ത്രിക്കുന്നതിനായി കഴിഞ്ഞ വര്ഷമാണ് ജനറല് കൊമേഴ്സ്യല് ഗെയിമിംഗ് റെഗുലേറ്ററി അതോറിറ്റി (ജിസിജിആര്എ) ആരംഭിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F