December 02, 2023
December 02, 2023
ദുബായ്: 52-മത് ദേശീയ ദിനത്തോടനനുബന്ധിച്ച് അബുദാബി, ഷാര്ജ, അജ്മാന് എന്നിവിടങ്ങളില് സൗജന്യ പാര്ക്കിംഗ് അനുവദിച്ചു. ഇന്ന് (ഡിസംബര് 2) മുതല് തിങ്കളാഴ്ച ( ഡിസംബര് 4) വരെ മൂന്ന് ദിവസത്തേക്കാണ് സൗജന്യ പാര്ക്കിംഗ് പ്രഖ്യാപിച്ചത്. മള്ട്ടിലെവല് പാര്ക്കിംഗ് ടെര്മിനലുകള് ഒഴികെയുള്ള ഇടങ്ങളിലാണ് സൗജന്യം. അതേസമയം ഡിസംബര് 5 മുതല് പാര്ക്കിംഗിന് ഫീസ് ഈടാക്കുമെന്നും ദുബായ് റോഡ്സ് ആന്റ് ട്രാന്സ്പോര്ട്ട് അതോറിറ്റി അറിയിച്ചു.
വിവിധ എമിറേറ്റുകളില് പൊതുഗതാഗത സംവിധാനങ്ങളുടെ സമയക്രമത്തിലും മാറ്റം വരുത്തി. ദുബായ് മെട്രോയുടെ റെഡ്, ഗ്രീന് ലൈനുകളുടെ സമയം ഡിസംബര് 12 വരെ നീട്ടി. പുലര്ച്ചെ 5 മുതല് അടുത്ത ദിവസം പുലര്ച്ചെ 1 മണിവരെയാണ് സമയക്രമം. മെട്രോ ലിങ്ക് സര്വീസിന്റെ സമയം മെട്രോയുടെ പ്രവര്ത്തനവുമായി ബന്ധിപ്പിക്കും.
ഡിസംബര് 12 വരെ ദുബായ് ട്രാമിന്റെ സമയക്രമത്തിലും മാറ്റമുണ്ട്. തിങ്കള് മുതല് ശനിവരെ രാവിലെ 6 മണിമുതല് അടുത്ത ദിവസം 1 മണിവരെയും ഞായറാഴ്ച രാവിലെ 9 മണിമുതല് അടുത്തദിവസം രാവിലെ 1 മണിവരെയാണ് സമയം നീട്ടിയത്.
ബസ് റൂട്ടുകളിലും മാറ്റമുണ്ട്. ഡിസംബര് 4 വരെ 16 ബസ് റൂട്ടുകള് ഷെയ്ഖ് സായിദ് റോഡില് (അബുദാബിയിലേക്ക് മാത്രം) തിരിച്ചുവിടും
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F