August 16, 2023
August 16, 2023
ന്യൂസ്റൂം ബ്യൂറോ
ദുബായ്: മലയാളികളായ ഫുട്ബാൾ പ്രേമികൾക്ക് ആവേശം പകരാൻ കേരള ബ്ലാസ്റ്റേഴ്സ് ടീം ദുബായിലെത്തുന്നു. സെപ്റ്റംബർ അഞ്ചിനാണ് കേരള ബ്ലാസ്റ്റേഴ്സ് ടീം ദുബായിലെത്തുന്നത്. ഇന്ത്യൻ സൂപ്പർ ലീഗ് സീസണിനുള്ള പരിശീലന മത്സരങ്ങൾക്കാണ് ടീം ദുബായിലേക്ക് വരുന്നത്. സെപ്റ്റംബർ5 മുതൽ സെപ്റ്റംബർ16 വരെ ടീം ദുബായിൽ പരിശീലനം നടത്തും.
ഈ സമയങ്ങളിൽ യു.എ.ഇയിലെ പ്രമുഖ പ്രോലീഗ് ക്ലബ്ബുകളുമായി കേരള ബ്ലാസ്റ്റേഴ്സ് മത്സരിക്കും. സെപ്റ്റംബർ 9ന് സബീൽ സ്റ്റേഡിയത്തിൽ അൽ വസൽ എഫ്.സിയുമായാണ് ബ്ലാസ്റ്റേഴ്സിന്റെ ആദ്യ സൗഹൃദ മത്സരം. സെപ്റ്റംബർ 12ന് ഷാർജ ഫുട്ബാൾ സ്റ്റേഡിയത്തിൽ ഷാർജ ഫുട്ബാൾ ക്ലബുമായാണ് രണ്ടാമത്തെ മത്സരം. സെപ്റ്റംബർ 15ന് ശബാബ് അൽ അഹിലുമായി മത്സരിക്കും. ദുബായിലെ ശബാബ് അൽ അഹിൽ സ്റ്റേഡിയത്തിലാണ് ബ്ലാസ്റ്റേഴ്സിന്റെ അവസാന മത്സരം.
മുൻ യു.എ.ഇ ദേശീയ താരവും അൽ അഹ്ലി, അൽ വെസൽ ക്ലബുകളുടെ കളിക്കാരനുമായിരുന്ന ഹസൻ അലി ഇബ്രാഹിമിന്റെ ഉടമസ്ഥതയിലുളള എച്ച് 16 സ്പോർട്സ് ആണ് പ്രീ സീസൺ ഒരുക്കുന്നത്. സെപ്റ്റംബർ അവസാനത്തിൽ നടക്കാനിരിക്കുന്ന ഹീറോ ഐ.എസ്.എൽ സീസണിന് മുന്നോടിയായുള്ള കേരള ബ്ലാസ്റ്റേഴ്സിന്റെ അവസാന മത്സരമായിരിക്കും ദുബായിലേത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm