December 16, 2023
December 16, 2023
അബൂദാബി: ദുബായിൽ പൊതു ഇടങ്ങളിൽ സൗജന്യ വൈഫൈ സൗകര്യം ആരംഭിച്ചു. നഗര, ഗതാഗത വകുപ്പാണ് ബസുകളിലും ബീച്ചുകളിലും പൊതു ഉദ്യാനങ്ങളിലുമടക്കം സൗജന്യ വൈഫൈ ഏര്പ്പെടുത്തിയിരിക്കുന്നത്. യു.എ.ഇയിലെ ഇന്റര്നെറ്റ് സേവനദാതാക്കളുമായി സഹകരിച്ചാണ് പദ്ധതി നടപ്പാക്കുന്നത്. 44 പൊതു പാർക്കുകളിൽ സൗജന്യ വൈഫൈ ലഭ്യമാണ്. അബൂദബിയിൽ 19ഉം അല്ഐനില് 11ഉം അല് ധഫ്രയിൽ 14ഉം പൊതു ഉദ്യാനങ്ങളിലാണ് സൗജന്യ വൈഫൈ ലഭിക്കുക. അബൂദാബി കോര്ണിഷ് ബീച്ചിലും അല് ബതീന് ബീച്ചിലും വൈകാതെ സേവനം ലഭ്യമാകും.
അതേസമയം, സൗജന്യ വൈഫൈ ഉപയോഗിക്കുമ്പോൾ ചില പൊതുസുരക്ഷ മാനദണ്ഡങ്ങൾ പാലിക്കണമെന്നും അധികൃതർ വ്യക്തമാക്കി. ഓൺലൈൻ ഷോപ്പിങ്ങിനായി ക്രെഡിറ്റ് കാർഡ് വിവരങ്ങൾ നൽകുമ്പോൾ വ്യക്തി വിവരങ്ങൾ നൽകാതിരിക്കുക, വി.പി.എൻ ഉപയോഗിക്കുക തുടങ്ങിയവ പാലിക്കണമെന്ന് അധികൃതർ നിർദേശം നൽകി.
https://www.du.ae/WiFi-uae/locations എന്ന വെബ്സൈറ്റിൽ രാജ്യത്ത് എവിടെയല്ലാം സൗജന്യ വൈഫൈ ലഭ്യമാണെന്ന് അറിയാനാവുമെന്ന് ഇന്റർനെറ്റ് സേവനദാതാക്കളായ ‘ഡു’ അറിയിച്ചു.
അതേസമയം, ദുബായിലെ പൊതുഗതാഗത സംവിധാനങ്ങളിലും സൗജന്യ വൈഫൈ ലഭ്യമാണ്. ആർ.ടി.എയുമായി സഹകരിച്ചാണ് മെട്രോ, ടാക്സി, ബസ് സർവിസുകളിൽ സൗജന്യ ഇന്റനെറ്റ് സേവനം ലഭ്യമാക്കുന്നത്. ഏപ്രിലിൽ ഷാർജയിൽ ബസുകളിൽ സൗജന്യ വൈ ഫൈ ലഭ്യമാക്കിയിരുന്നു. മുസന്ദം, ഒമാൻ റൂട്ടിൽ സഞ്ചരിക്കുന്ന ബസുകളിലാണ് റാസൽഖൈമ സർക്കാർ സൗജന്യ വൈഫൈ ഏർപ്പെടുത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F