August 15, 2023
August 15, 2023
ന്യൂസ്‌റൂം ബ്യൂറോ
അബുദാബി: പ്രാദേശിക കറൻസി വഴിയുള്ള ആദ്യ ക്രൂഡ് ഓയിൽ ഇടപാട് നടത്തി ഇന്ത്യയും യുഎഇയും. 10 ലക്ഷം ബാരൽ ക്രൂഡ് ഓയിൽ ഇന്ത്യ വാങ്ങിയത് ഇന്ത്യൻ കുറൻസികൾ (റുപ്പീസ്) മാത്രം ഉപയോഗിച്ചാണെന്നാണ് റിപ്പോർട്ട്. പ്രധാനമന്ത്രി നരേന്ദ്രമോദിയുടെ യുഎഇ സന്ദർശനത്തിലെ ധാരണപ്രകാരമാണ് ഇത്തരം നടപടിയുണ്ടായത്.
ആദ്യ ക്രൂഡോയിൽ വിനിമയം അബുദബിയിൽ നടന്നതായാണ് റിപ്പോർട്ട്. അബുദബി നാഷണൽ ഓയിൽ കമ്പനിയും ഇന്ത്യൻ ഓയിൽ കേർപ്പറേഷനും തമ്മിൽ 10 ലക്ഷം ബാരൽ ക്രൂഡോയിൽ ഇടപാട് നടന്നതായി എ.എൻ.ഐ റിപ്പോർട്ട് ചെയ്തിട്ടുണ്ട്.
2022/23 സാമ്പത്തിക വർഷത്തിൽ ഇന്ത്യയും യുഎഇയും തമ്മിലുള്ള ഉഭയകക്ഷി വ്യാപാരം 84.5 ബില്യൺ ഡോളറായിരുന്നു. ആഗോള വ്യാപാര അന്തരീക്ഷത്തിന്റെ പശ്ചാത്തലത്തിൽ കയറ്റുമതി വർദ്ധിപ്പിക്കുന്നതിനുള്ള തന്ത്രങ്ങളുടെ ഭാഗമായി, മറ്റ് രാജ്യങ്ങളുമായി പ്രാദേശിക കറൻസി ക്രമീകരണങ്ങൾ ആവർത്തിക്കുക എന്നതാണ് ഇന്ത്യയുടെ ലക്ഷ്യം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm
