January 08, 2024
January 08, 2024
ഷാര്ജ: യുഎഇയില് വാഹനങ്ങള്ക്കടിയില് സ്ഥാപിച്ച ചെറിയ പെട്ടികളില് ഒളിച്ചുകിടന്ന് രാജ്യത്തേക്ക് നുഴഞ്ഞുകയറാന് ശ്രമിച്ച രണ്ടുപേര് പിടിയിലായി. ഷാര്ജ പോര്ട്ട്, കസ്റ്റംസ്, ഫ്രീ സോണ്സ് അതോറിറ്റിയാണ് പ്രതികളെ പിടികൂടിയത്. പുതിയ ഹൈടെക് എക്സ്-റേ സ്കാനറുകള് ഉപയോഗിച്ചുള്ള പരിശോധനയില് രണ്ട് എസ്യുവി വാഹനങ്ങളുടെ പിന്ഭാഗത്തുനിന്ന് പ്രതികളെ കണ്ടെത്തുകയായിരുന്നു. വാഹനങ്ങളുടെ പിന്ഭാഗത്തെ ട്രങ്കുകള്ക്കടിയില് സ്ഥാപിച്ച ചെറിയ ഇരുമ്പ് പെട്ടികളില് കിടന്നാണ് രാജ്യത്തേക്ക് നുഴഞ്ഞുകയറാന് ശ്രമിച്ചത്. വാഹനങ്ങളുടെ പിറകിലെ ബമ്പറുകള് തുറന്നാണ് ഇവരെ പുറത്തെടുത്തത്. അതേസമയം ഏത് അതിര്ത്തിയില് നിന്നാണ് പ്രതികളെ പിടികൂടിയതെന്ന് അതോറിറ്റി വെളുപ്പെടുത്തിയിട്ടില്ല.
ഇവരുടെ കൈവശം രേഖകളൊന്നും ഉണ്ടായിരുന്നില്ലെന്നാണ് റിപ്പോര്ട്ട്. നുഴഞ്ഞുകയറാന് ശ്രമിച്ചവരേയും വാഹനങ്ങളുടെ ഡ്രൈവര്മാരേയും തുടര്നടപടികള്ക്കായി അധികൃതര്ക്ക് കൈമാറി. പ്രതികളെ പിടികൂടുന്നതിന്റെ വീഡിയോ ദൃശ്യങ്ങളും ഉദ്യോഗസ്ഥര് പങ്കുവെച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F