January 23, 2024
January 23, 2024
ദുബായ്- യു.എ.ഇയിൽ മലയാളിയെ കൊന്ന് കുഴിച്ചു മൂടിയ സംഭവത്തിൽ പാക്കിസ്ഥാൻ സ്വദേശികളായ രണ്ടു പേർ അറസ്റ്റിൽ. തിരുവനന്തപുരം മുട്ടട സ്വദേശി അനിൽ കുമാർ വിൻസന്റ് (60) ആണ് കൊല്ലപ്പെട്ടത്. ടി സിംഗ് ട്രേഡിംഗ് കമ്പനിയിൽ 36 വർഷമായി പി.ആർ.ഒ ആയി ജോലി ചെയ്ത് വരികയായിരുന്നു. ഇതേ സ്ഥാപനത്തിലെ ജീവനക്കാരാണ് പിടിയിലായത്.
ജനുവരി രണ്ട് മുതലാണ് അനിൽ കുമാറിനെ കാണാതായത്. ബന്ധുക്കൾ പോലീസിൽ പരാതി നൽകിയതിനെ തുടർന്നുള്ള അന്വേഷണത്തിലാണ് അനിൽ കുമാറിനെ കഴുത്ത് ഞെരിച്ച് കൊന്ന് ഷാർജയിലെ മരുഭൂമിയിൽ കുഴിച്ചുമൂടി എന്ന വിവരം ലഭിച്ചത്. ജനുവരി 12ന് മൃതദേഹം പോലീസ് കണ്ടെത്തിയിരുന്നു. അനിൽ കുമാർ ശാസിച്ചതിന്റെ വിരോധത്തിലാണ് കൊല നടത്തിയത് എന്നാണ് വിവരം. പ്രതികളിൽ ഒരാൾ യു.എ.ഇ വിട്ടതായും സംശയിക്കുന്നുണ്ട്. മൃതദേഹം ഇന്ന് (ചൊവ്വ) നാട്ടിലെത്തിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F