December 31, 2023
December 31, 2023
ദുബായ്: ബുര്ജ് ഖലീഫ/ ദുബായ് മാള് മെട്രോ സ്റ്റേഷന് ഇന്ന് (ഡിസംബര് 31 ) വൈകുന്നേരം അഞ്ച് മണിക്ക് അടച്ചിടുമെന്ന് ഗതാഗത വകുപ്പ് അറിയിച്ചു. പുതുവത്സരാഘോഷത്തിന്റെ ഭാഗമായുള്ള തിരക്ക് നിയന്ത്രിക്കുന്നതിന്റെ ഭാഗമായാണിത്. യാത്രക്കാരുടെ എണ്ണം സ്റ്റേഷന്റെ ശേഷിയേക്കാള് കൂടുതലാകുന്ന ഘട്ടത്തിലാണ് സ്റ്റേഷന് അടച്ചിടുന്നതെന്ന് അധികൃതര് വ്യക്തമാക്കി. യാത്രക്കാരുടെ സുരക്ഷയും സൗകര്യവും ഉറപ്പാക്കുന്നതിനാണ് സ്റ്റേഷന് അടയ്ക്കുന്നത്. ലക്ഷ്യസ്ഥാനത്ത് എത്താന് ഫിനാന്ഷ്യല് സെന്റര് , ബിസിനസ് ബേ, വേള്ഡ് ട്രേഡ് സെന്റര്, എമിറേറ്റ്സ് ടവര് തുടങ്ങിയ മറ്റ് സ്റ്റേഷനുകള് ഉപയോഗിക്കണമെന്നും അതോറിറ്റി നിര്ദേശിച്ചു.
ദുബായിലെ ചില ബസ് സര്വീസുകളും ഇന്ന് താല്ക്കാലികമായി സര്വീസ് നിര്ത്തിവെയ്ക്കുമെന്ന് റോഡ്സ് ആന്റ് ട്രാന്സ്പോര്ട്ട് അതോറിറ്റി അറിയിച്ചു. ഇന്ന് (ഡിസംബര് 31) ഉച്ചകഴിഞ്ഞ് 3.30 മുതല് ജനുവരി 1ന് രാവിലെ 6 മണിവരെ 25 റൂട്ടുകളിലെ സര്വീസുകളാണ് താല്ക്കാലികമായി നിര്ത്തിവെയ്ക്കുക. അതേസമയം ദുബായ് മെട്രോയുടെ റെഡ്, ഗ്രീന് ലൈനുകള് ഇന്ന് രാവിലെ 8 മണിമുതല് ജനുവരി ഒന്നിന് ഉച്ചയ്ക്ക് 12 മണിവരെ തുടര്ച്ചയായി 40 മണിക്കൂര് സര്വീസ് നടത്തും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F