April 02, 2024
April 02, 2024
ഗസ: ഗസയിലെ അല്‍-ഷിഫ ആശുപത്രിയിലെ രണ്ട് ഫലസ്തീന്‍ ഡോക്ടര്‍മാരുടെ മൃതദേഹം കണ്ടെത്തി. ഫലസ്തീനിയന്‍ പ്ലാസ്റ്റിക് സര്‍ജനായ അഹ്‌മദ് അല്‍-മഖാദ്മേയെയും, ജനറല്‍ പ്രാക്ടീഷണറായ യുസ്റ അല്‍-മഖാദ്മെയെയുമാണ് മരിച്ച നിലയില്‍ കണ്ടെത്തിയത്. ഗസ സിറ്റിയിലെ കാരിഫോര്‍ മാളിന് അടുത്തുള്ള റൗണ്ട് എബൗട്ടിലാണ് മൃതദേഹങ്ങള്‍ കണ്ടെത്തിയത്.
ആറോ ഏഴോ ദിവസം മുമ്പ് ഇവരുടെ കുടുംബവുമായുള്ള ബന്ധം നഷ്ടപ്പെട്ടിരുന്നുവെന്നാണ് റിപ്പോര്‍ട്ട്. ആശുപത്രിയില്‍ നിന്ന് രക്ഷപ്പെടാന്‍ ശ്രമിക്കുന്നതിനിടെ ഇസ്രായേല്‍ സൈന്യം അവരെ വധിച്ചതായാണ് വിവരം. വെടിയുണ്ടകളേറ്റ നിലയിലാണ് ഇവരുടെ മൃതദേഹങ്ങള്‍ കണ്ടെത്തിയത്. അഹമ്മദിന് ഭാര്യയും അഞ്ച് വയസ്സിന് താഴെയുള്ള രണ്ട് ചെറിയ കുട്ടികളും, പിതാവും ഉണ്ട്. ഗസ മുനമ്പിന്റെ തെക്ക് ഭാഗത്തുള്ള ഖാന്‍ യൂനിസില്‍ ഇപ്പോഴും കുടുംബം ഉണ്ടെന്നാണ് റിപ്പോര്‍ട്ട്.
അതേസമയം അഹ്‌മദ് തന്റെ ഭാര്യയെയും രണ്ട് കുട്ടികളെയും സന്ദര്‍ശിച്ച ശേഷം, ഗസയില്‍ ആക്രമണം ആരംഭിച്ച സമയത്ത് തിരികെ ജോലിയില്‍ പ്രവേശിക്കുകയായിരുന്നുവെന്ന് സഹപ്രവര്‍ത്തകന്‍ അബു-സിത്തയ പറഞ്ഞു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
