May 01, 2024
May 01, 2024
ജിദ്ദ – ഹജ്ജ് നിര്വഹിക്കാൻ എത്തുന്ന തീര്ത്ഥാടകരെ എളുപ്പത്തില് തിരിച്ചറിയുന്നതിനായി ഹജ്, ഉംറ മന്ത്രാലയം നുസുക് കാര്ഡ് പുറത്തിറക്കി. ഇന്തോനേഷ്യയില് നിന്നുള്ള തീർത്ഥാടകർക്ക് വിതരണം ചെയ്യുന്നതിന് ആദ്യ ബാച്ച് നുസുക് കാര്ഡ് ഇന്തോനേഷ്യന് ഹജ്ജ് കമ്മീഷന് കൈമാറി. ഇത്തവണത്തെ ഹജ്ജ് സീസൺ ആരംഭിക്കുന്നതിന് മുന്നോടിയായാണ് മന്ത്രാലയം നുസുക് കാര്ഡ് പുറത്തിറക്കിയത്. ഇന്തോനേഷ്യന് ഹജ്ജ് മന്ത്രി യാഖൂത്ത് ഖലീല് ഖോമാസിന് ആദ്യ കോപ്പി കൈമാറി ഹജ്ജ്, ഉംറ മന്ത്രി ഡോ. തൗഫീഖ് അല്റബീഅയാണ് നുസുക് കാര്ഡ് ഔദ്യോഗികമായി ഉദ്ഘാടനം ചെയ്തത്.
പുണ്യസ്ഥലങ്ങളില് നിയമാനുസൃത ഹജ്ജ് തീര്ത്ഥാടകരെ വേര്തിരിക്കുന്ന ഔദ്യോഗിക തിരിച്ചറിയല് കാര്ഡ് ആണ് നുസുക്. പ്രവാസികളായ ഹാജിമാര്ക്ക് ഹജ്ജ് വിസ ഇഷ്യു ചെയ്ത ശേഷം, വിദേശ ഹജ്ജ് ഓഫീസുകള് വഴിയും, ആഭ്യന്തര ഹാജിമാര്ക്ക് ഹജ്ജ് പെര്മിറ്റ് ഇഷ്യു ചെയ്ത ശേഷം ഹജ്ജ് സര്വീസ് കമ്പനികള് വഴിയുമാണ് നുസുക് കാര്ഡ് വിതരണം ചെയ്യുക. ഹജ്ജ് തീര്ത്ഥാടകരുമായി ബന്ധപ്പെട്ട സമ്പൂര്ണ വിവരങ്ങള് നുസുക് കാര്ഡില് ഉണ്ടാകും. പുണ്യസ്ഥലങ്ങളിലേക്കുള്ള തീര്ത്ഥാടകരുടെ സഞ്ചാരങ്ങള്ക്കും പ്രവേശനത്തിനും നുസുക് കാര്ഡ് നിര്ബന്ധമാണ്. നുസുക് കാര്ഡിന്റെ ഡിജിറ്റല് കോപ്പി നുസുക്, തവക്കല്നാ ആപ്പുകളില് ലഭ്യമാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F