November 07, 2023
November 07, 2023
ദോഹ: ഖത്തറിൽ ഓൾഡ് ദോഹ പോർട്ടിൽ നടന്ന ട്രയാത്‌ലോണിലൂടെ (2023/2024 സീസൺ) ഖത്തർ ട്രയാത്ത്‌ലോൺ ഫെഡറേഷൻ കായിക രംഗത്തേക്ക് വിജയകരമായ തിരിച്ചുവരവ് നടത്തി.
വെള്ളിയാഴ്ച ഗ്രാൻഡ് ടെർമിനൽ ഏരിയയിൽ നടന്ന പരിപാടിയിൽ 180-ലധികം പേരാണ് സ്പ്രിന്റ് ഡിസ്റ്റൻസ് ട്രയാത്ത്‌ലോണിൽ പങ്കെടുത്തത്. 50-ലധികം യുവ പ്രതിഭകളും യൂത്ത് അക്വാത്‌ലോൺ മത്സരത്തിൽ പങ്കെടുത്തിരുന്നു. ഖത്തറിലെ സ്വദേശികൾക്കും പ്രവാസി കായിക താരങ്ങൾക്കും പുറമെ കുവൈത്ത്, ബഹ്‌റൈൻ എന്നിവയുൾപ്പെടെയുള്ള അയൽ രാജ്യങ്ങളിൽ നിന്നുള്ള മത്സരാർത്ഥികളും പരിപാടിയിൽ മത്സരിച്ചു. റയ്യാൻ വാട്ടർ, അൽ ഘരിയ സൈക്ലിംഗ്, ലാ മേസ റെസ്റ്റോറന്റ് എന്നിവയുടെ പിന്തുണയോടെയാണ് പരിപാടി നടന്നത്.
ഫോർ ലാപ് ഡ്രാഫ്റ്റ്-ലീഗൽ റോഡ് ബൈക്ക് സെഗ്‌മെന്റും റണ്ണിംഗ് ട്രാക്കിന്റെ മൂന്ന് ലാപ്പുകളും മത്സരത്തിന്റെ ആവേശം വർദ്ധിപ്പിച്ചു. ട്രാക്കിലെ വെസ്റ്റ് ബേയും ഫിനിഷ് ലൈനും പരിപാടിയുടെ പശ്ചാത്തലവും മത്സരത്തെ കൂടുതൽ മനോഹരമാക്കി.
വിശദമായ റേസ് ഫലങ്ങൾ അറിയാൻ qtriseries.com/event/old-doha-port-triathlon-2023/results/ സന്ദർശിക്കാം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
