April 13, 2024
April 13, 2024
റിയാദ്: സൗദിയിൽ ഹൃദയാഘാതത്തെ തുടർന്ന് തൃശൂർ സ്വദേശി മരിച്ചു. തൃശൂർ കുഴിക്കാട്ടുശ്ശേരി താഴേക്കാട് സ്വദേശി സർജിൽ കൃഷ്ണ (30) ആണ് മരിച്ചത്. റിയാദിലെ ന്യൂ സനാഇയ്യയിൽ സ്വകാര്യ മീറ്റ് ഫാക്ടറിയിൽ ടെക്നീഷ്യനായിരുന്നു. ഇന്നലെ (വെള്ളിയാഴ്ച) രാത്രി ബാത്റൂമിൽ പോയ ഇദ്ദേഹം തിരിച്ചു വരാത്തതിനെ തുടർന്ന് കൂടെ താമസിക്കുന്നവർ നോക്കിയപ്പോൾ ഇദ്ദേഹത്തെ അവശനിലയിൽ കാണപ്പെടുകയായിരുന്നു.
ഉടൻ ആംബുലൻസിൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഓട്ടോമൊബൈൽ എഞ്ചിനിയറായ സർജിൽ ഒന്നര മാസം മുമ്പാണ് റിയാദിൽ ജോലിക്കെത്തിയത്. പിതാവ്: ഉണ്ണികൃഷ്ണൻ മറ്റപറമ്പിൽ ചാത്തൻ, മാതാവ്: വത്സല. സിറിൽ കൃഷ്ണ സഹോദരനാണ്. നിയമനടപടികൾക്ക് ശേഷം മൃതദേഹം നാട്ടിലെത്തിക്കുമെന്ന് ബന്ധപ്പെട്ടവർ അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F