April 28, 2024
April 28, 2024
തായിഫ് – സൗദി അറേബ്യയിലെ തായിഫില് ഒഴുക്കില് പെട്ട് സൗദി യുവാവ് മരിച്ചു. രണ്ടു സൗദി പൗരന്മാരും രണ്ടു സുഡാനികളും സഞ്ചരിച്ച കാര് തായിഫിലെ അല്ഖുറൈഅ് ബനീമാലികിലെ വാദി അര്ദയില് മലവെള്ളപ്പാച്ചിലില് പെടുകയായിരുന്നു. ഇക്കൂട്ടത്തില് പെട്ട ഒരു സൗദി പൗരനെയും ഒരു സുഡാനിയെയും മറ്റുള്ളവര് രക്ഷപ്പെടുത്തി. ഒഴുക്കില് പെട്ട് മരിച്ച സൗദി യുവാവിന്റെ മൃതദേഹം കണ്ടെത്തി. കാണാതായ സുഡാനിക്കായുള്ള തിരച്ചിൽ തുടരുകയാണ്.
ഒരു വര്ഷം മുമ്പ് തായിഫ് അല് വിസാം ഡിസ്ട്രിക്ടില് പ്രളയത്തില് പെട്ട കാറില് കുടുങ്ങിയ മറ്റൊരു കുടുംബത്തെ രക്ഷിക്കാന് മുന്നിട്ടിറങ്ങിയ 31 കാരനാണ് അല് ഖുറൈഅ് ബനീമാലികില് ഒഴുക്കില് പെട്ട് മരിച്ചതെന്ന് മരണപ്പെട്ട സൗദി യുവാവിന്റെ ബന്ധു പറഞ്ഞു.
കനത്ത മഴയിലും മലവെള്ളപ്പാച്ചിലിലും ബനീമാലികിലെ അല്മുഫ്റസ് റോഡ് തകര്ന്നു. കനത്ത മഴക്കുള്ള സാധ്യത കണക്കിലെടുത്ത് മക്ക ഉമ്മുല്ഖുറാ യൂനിവേഴ്സിറ്റിയും തായിഫ് യൂനിവേഴ്സിറ്റിയും, മക്ക പ്രവിശ്യയിലെയും അല്ബാഹയിലെയും ടെക്നിക്കല് ആന്റ് വൊക്കേഷനല് ട്രെയിനിംഗ് കോര്പറേഷന് സ്ഥാപനങ്ങള്ക്കും, മഹായില് വിദ്യാഭ്യാസ വകുപ്പ് ഓഫീസുകള്ക്കും ഇന്ന് (ഞായര്) അവധി നല്കിയിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F