October 15, 2023
October 15, 2023
യുഎഇ: സര്‍ക്കാര്‍ ഉദ്യോഗസ്ഥരെ ആക്രമിക്കുകയോ ഭീഷണിപ്പെടുത്തുകയോ ചെയ്യുന്നവര്‍ക്കെതിരെ കര്‍ശന നടപടിയുമായി യുഎഇ പബ്ലിക് പ്രോസിക്യൂഷന്‍. ക്രിമിനല്‍ നടപടിയില്‍ ഏര്‍പ്പെടുന്നവര്‍ക്കെതിരെ ഫെഡറല്‍ നിയമപ്രകാരമുള്ള കുറ്റം ചുമത്തും. ഒരു ലക്ഷം ദിര്‍ഹത്തില്‍ കുറയാത്ത പിഴയും ഈടാക്കും. പിഴയ്ക്ക് പുറമെ ഒരു വര്‍ഷത്തെ ജയില്‍ വാസവും അനുഭവിക്കേണ്ടിവരും.
സര്‍ക്കാര്‍ ഉദ്യോഗസ്ഥരെ ഔദ്യോഗിക കൃത്യനിര്‍വഹണത്തില്‍ നിന്നും തടയുന്ന തരത്തിലോ, ജോലിയില്‍ നിന്ന് വിട്ടുനില്‍ക്കുന്ന രീതിയില്‍ ബലപ്രയോഗം നടത്തുകയോ ചെയ്യുന്നവര്‍ക്കെതിരെയാണ് കുറ്റം ചുമത്തുക. ഉദ്യോഗസ്ഥരെ കയ്യേറ്റം ചെയ്ത നിരവധി സംഭവങ്ങള്‍ റിപ്പോര്‍ട്ട് ചെയ്ത പശ്ചാത്തലത്തിലാണ് നടപടി. രാജ്യത്ത് കര്‍ശന പരിശോധന നടത്താനും യുഎഇ പബ്ലിക് പ്രോസിക്യൂഷന്‍ നിര്‍ദേശിച്ചു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
