February 12, 2024
February 12, 2024
അബുദാബി: അബുദാബിയിലേക്ക് തൊഴിലാളികളെ കൊണ്ടുപോകുന്ന ചില ഹെവി വാഹനങ്ങൾക്കും ബസുകൾക്കുമുള്ള പ്രവേശനം നാളെ (ഫെബ്രുവരി 13) താൽക്കാലികമായി വിലക്കുമെന്ന് അബുദാബി പോലീസ് ട്രാഫിക് ആൻഡ് പട്രോൾ ഡയറക്ടറേറ്റ് അറിയിച്ചു.
ഷെയ്ഖ് സായിദ് പാലം, ഷെയ്ഖ് ഖലീഫ പാലം, അംസെഫ പാലം, അൽ-മുക്താർ പാലം തുടങ്ങിയ പ്രധാന പാലങ്ങളിലാണ് നിരോധനമേർപ്പെടുത്തുന്നത്. എല്ലാ റോഡുകളിലും ട്രാഫിക് പട്രോളിംഗ് വിന്യസിക്കുമെന്നും സ്മാർട്ട് സംവിധാനങ്ങളിലൂടെ ഗതാഗത നിയന്ത്രണ നടപടികൾ ശക്തമാക്കുമെന്നും അധികൃതർ വ്യക്തമാക്കി.
പൊതു ശുചിത്വ കമ്പനികളുടെ വാഹനങ്ങളെയും ലോജിസ്റ്റിക് സപ്പോർട്ട് വാഹനങ്ങളെയും നിരോധന ഉത്തരവിൽ നിന്ന് ഒഴിവാക്കിയതായും അബുദാബി പോലീസ് അറിയിച്ചു. നാളെ ഉച്ചയ്ക്ക് 12 മണി മുതൽ രാത്രി 11:59 മണി വരെയാണ് നിരോധനമെന്ന് സെൻട്രൽ ഓപ്പറേഷൻസ് സെക്ടറിലെ ട്രാഫിക് ആൻഡ് സെക്യൂരിറ്റി പട്രോൾ ഡയറക്ടറേറ്റ് ഡയറക്ടർ ജനറൽ മഹ്മൂദ് യൂസഫ് അൽ ബലൂച്ചി വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F