September 24, 2023
September 24, 2023
ദുബായ്: യുഎഇയിൽ യുവജനകാര്യ മന്ത്രിയാകാൻ താൽപര്യമുള്ള യുവതിയുവാക്കളിൽ നിന്നും അപേക്ഷ ക്ഷണിച്ച് ദുബായ് ഭരണാധികാരിയും, യു.എ.ഇ വൈസ് പ്രസിഡന്റും, പ്രധാനമന്ത്രിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം. എക്സ് പ്ലാറ്റ്ഫോമിലൂടെയാണ് (ട്വിറ്റർ) അദ്ദേഹം ഇക്കാര്യം അറിയിച്ചത്.
‘‘യുവജനങ്ങളെ പ്രതിനിധീകരിക്കുകയും ജനങ്ങളുടെ പ്രശ്‌നങ്ങൾ മനസിലാക്കി പരിഹാരം കാണുന്ന യുവാവിനെയോ യുവതിയെയോ ആവശ്യമുണ്ട്. തിരഞ്ഞെടുക്കപ്പെടുന്ന ആൾ യുഎഇ യുവജനകാര്യ മന്ത്രിയാകും. അപേക്ഷകർക്ക് യുഎഇയെക്കുറിച്ച് അറിവുണ്ടായിരിക്കണം. രാജ്യത്തെ പ്രതിനിധീകരിക്കുന്നതിൽ ധീരനും, കഴിവുള്ളവനും, സത്യസന്ധനും, ശക്തനുമായിരിക്കണം. മാതൃരാജ്യത്തെ സേവിക്കുന്നതിൽ അഭിനിവേശമുള്ളവരായിരിക്കണം’’; ഷെയ്ഖ് മുഹമ്മദ് എക്സ് പ്ലാറ്റ്ഫോമിൽ കുറിച്ചു.
യുവജനകാര്യ മന്ത്രിയാകാൻ താൽപര്യമുള്ളവർക്ക് ContactUs@moca.gov.ae എന്ന ഇമെയിലിലേക്ക് അപേക്ഷകൾ അയക്കാം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
